തുള്ളി വിറക്കും പനിയും
ആവി പറക്കും
ചുക്കുക്കാപ്പിയുടെ എരിയും
നാവിന്റെ രുചി എടുത്തപ്പോള്
തലക്കുള്ളിലെ മുഴക്കവും
മഴയില അനക്കങ്ങള്...
പോലെ ശ്വാസഗതിയും
ഉറക്കത്തെ മാറ്റി നിര്ത്തി....
രക്തധമനികള് തിളച്ചു
തൂവുന്നതോ ..ഞരമ്പുകള്
ഓരോന്നും ഊരി പോകുന്നതോ
വേദനയുടെ പിരിമുറുക്കം
മറ്റൊരു ലോകത്തേക്ക്
കൂട്ടികൊണ്ട് പോയപ്പോള്
വിരല് തൊട്ട അട്ടയെ പോലെ
ചുരുണ്ട് കൂടി കിടക്കയിലേക്ക്
പതിഞ്ഞു പോയീ
ഞരക്കങ്ങളില് കൂടി
വൈറസിന്റെ പിടിയില്
ദിനരാത്രങ്ങള് കൊഴിഞ്ഞു വീണു
ഇന്നിതാ
വൈറസ് ചവച്ചു തുപ്പിയ
നീര് വറ്റിയ ചണ്ടിയായീ
മാറിയിരിക്കുന്നു ഞാന്!!!