♫ ഗീതം ♫

Award

2012-02-17T16:27:00.000-08:00

Maryland Malyalee Association നടത്തിയ Global Literary Contest 2012

കവിതക്കുള്ള അവാര്‍ഡ്‌ എന്റെ " മഴയനക്കങ്ങള്‍"""""""

എന്ന കവിതയ്ക്ക് ലഭിച്ച വിവരം സന്തോഷപൂര്‍വ്വം അറിയിക്കുന്നു. :)

വിലയിരുത്തലുകളിലൂടെ തിരുത്തലുകളിലൂടെ പ്രോത്സഹങ്ങളിലൂടെ

എന്റെ എഴുത്തിന്റെ കൂടെ ഉണ്ടായിരുന്ന എന്റെ എല്ലാ പ്രിയ ചങ്ങാതിമാര്‍ക്കും നന്ദി...സ്നേഹം.....സന്തോഷം...:)

http://www.manoramaonline.com/cgi-bin/MMOnline.dll/portal/ep/malayalamContentView.do?contentId=11049155&programId=1074209519&channelId=-1073753625&BV_ID=%40%40%40&tabId=11

ട്രാഫിക്‌

2012-02-14T15:55:00.000-08:00

പുകക്കാടുകളില്‍ പതുങ്ങി

തിരക്കിന്റെ വേഷങ്ങള്‍

അഴിച്ചു വച്ചു ഒരു നിമിഷം

നിശ്ചലമാകുന്ന വേഗത!

പ്രതാപങ്ങളുടെ തട്ടിന്പ്പുറങ്ങളില്‍

പച്ചപ്പുകള്‍ തേടി കുതിച്ചു

പായും മനസ്സുകള്‍ പോലും

നിശ്ചലം മഞ്ഞപ്പോലെ!!

ചില അനുസരണക്കെടുകള്‍

മുറിച്ചു കടക്കുന്നുണ്ട്

ഒരു കാലത്തെ തന്നെ

തട്ടിത്തെറിപ്പിച്ചു

ഇടിച്ചു കയറി പോകുന്നുണ്ട്

ചരിത്രത്തിന്റെ എടുകളിലേക്ക്!!

സിന്ധൂര രേഖയിലെ

ചുവപ്പിനെ പിന്തള്ളി

കണ്ണിലെ തിളക്കങ്ങള്‍

മഞ്ഞയായി അടയാളപെടുത്തി

മനസിന്റെ പച്ചയിലേക്ക്

ഓടി കയറും പ്രണയം പോലെ!!

===============================

varthamanam azhchapathippu February 2012

& http://kavithakalmal.blogspot.com/2011/12/blog-post_26.html

=====================================

വാല്‍നക്ഷത്രം അടയാളപെടുത്തുന്നത്!

2012-02-12T08:59:00.000-08:00

നിന്നെ വിവര്‍ത്തനം ചെയ്തപ്പോള്‍....

2012-01-28T17:18:00.000-08:00

ഇരുട്ട് പുറം ചട്ടയാക്കി

അലസതയുടെ ചായ്പ്പില്‍

വലിച്ചെറിഞ്ഞ നിന്നെ

ആമൂഖമില്ലത്ത പുസ്തകം

പോലെ വെറുതെ മറിച്ചു

നോക്കുകയായിരുന്നു

തൊട്ടെടുത്ത മനസ്!

പുതുമണം മായാത്ത

താളുകളില്‍ ഉടയാത്ത

കിടക്കവിരി കൊണ്ട്

അടയാളപെടുത്തിയ നീന്നെ

എത്ര കുടഞ്ഞെറിഞ്ഞിട്ടും

വിട്ടുപോരാനകാതെ

പറ്റിപ്പിടിച്ചു കിടക്കുന്ന ഓര്‍മ്മ !!

വായിച്ചു തുടങ്ങിയപ്പോള്‍
ഓരോ വരികള്‍ക്കിടയിലും

ഒളിപ്പിച്ചുവെച്ച ആര്‍ദ്രത

ഒരു കടല്‍ പോലെ

ഇളകി മറിയുന്നതും

വഴി പിരിഞ്ഞ ഓര്‍മ്മകള്‍

അലയടിച്ചുയരുന്നതും

ഒരു പേമാരിയായി

പെയ്തൊഴിയുന്നതും

ഞാന്‍ അറിയുകയായിരുന്നു!!

നിന്നെ വിവര്‍ത്തനം ചെയ്യാന്‍

തുടങ്ങുമ്പോഴാണ്

കണ്ണുകളില്‍ നിറഞ്ഞ നിലാവില്‍

ചെമ്പകപൂവിന്‍ മണം

പരന്നൊഴുകാന്‍ തുടങ്ങിയതും,

തീപ്പിടിച്ച ഓര്‍മകളില്‍

ഒരഗ്നിയായ് നീ കത്തിപടര്‍ന്നതും!!

ഇനിയും എങ്ങനെയാണ് ഞാന്‍

നിന്നെ വിവര്‍ത്തനം ചെയ്യേണ്ടത് ?

===================================

വാരാദ്യ മാധ്യമം 29 ജനുവരി 2012.

=====================================

ആഴങ്ങളിലെ ആകാശം

2012-01-08T09:06:00.000-08:00

പുഴയുടെ ആഴങ്ങളില്‍

അടുത്തു കണ്ട ആകാശം!

ചേര്‍ത്തു പിടിക്കാന്‍

ഓടിയെത്തിയ ചില്ലകള്!

ഒന്ന് തൊടാനാവാതെ‍

തിരഞ്ഞു കൊണ്ടിരിക്കുന്നു

ആഴങ്ങളില്‍ ഒരാകാശത്തെ!

പിടി തരാതെ ഓടിയൊളിക്കുന്ന

ജീവിതത്തെ തിരയും പോലെ!!

(ആനുകാലിക കവിതയില്‍ പ്രസിദ്ധികരിച്ചത്)

സന്ധ്യയായ് മറയുമ്പോള്‍

2012-01-03T15:58:00.000-08:00

നെറ്റിയിലെ വിയര്‍പ്പു

തൂത്തുമാറ്റിയ സായാഹ്നം

എണ്ണി കൊടുത്ത തുട്ടുകള്‍

ഒഴിയുന്ന മടിശീല

സിരകളില്‍ വലിഞ്ഞു

മുറുകുന്ന ലഹരിയില്‍

ആടി പോകുന്നൊരു ബീഡി പുക!!

മേല്പ്പുരയില്ലത്ത വീടിനുള്ളില്‍

ഒരുച്ച മയക്കത്തിന്റെ

ആലസ്യത്തില്‍ ‍നിന്നും

വിട്ടുണരാന്‍ മടിച്ചു

നില്‍ക്കുന്ന കാറ്റ്,

മേഘകൂട്ടില്‍ നിന്നും

ആകാശകുന്നിറങ്ങി

പടി വാതിലിനപ്പുറം

വേച്ചു വേച്ചു മയങ്ങി

വീണൊരു വെയില്‍.

മേല്പ്പുരയുള്ള വീടിനുള്ളില്‍

മറക്കുള്ളിലെ കാഴ്ചകളില്‍

കണ്ണീരു വറ്റിയ കടല്‍

അരിപൊതി തിരഞ്ഞു

ഉറങ്ങി പോയ മണല്ക്കൂട്ടങ്ങള്‍ !

സിരകളില് കത്തിയെരിയുന്ന

ലഹരിയുടെ കനലില്‍

എരിഞ്ഞടങ്ങിയ സന്ധ്യ!!

(മലയാള സമീക്ഷയില്‍ പ്രസിദ്ധികരിച്ചത്)

കൊടുങ്കാറ്റായീ.....

2011-12-05T16:05:00.000-08:00

ഗ്രഹണംപ്പോലെ

കറുത്തിരുണ്ട മേഘം

നിഴല്‍ വിരിച്ച വഴിയില്‍

തണല്‍ കൊണ്ടിരിക്കും

മരത്തെ ഊതിപറപ്പിച്ചു

പാഞ്ഞുപോകുന്നുണ്ടു

കോപം പുതച്ചൊരു കാറ്റ്!!

തിരക്കിട്ട് പായുമ്പോഴും

ചേര്‍ത്തു പിടിക്കുന്നുണ്ട്,

കൂടെ കൂട്ടുന്നുണ്ട്,

തട്ടിത്തെറിപ്പിക്കുന്നുണ്ട്

കൂടുകെട്ടി പാര്‍ക്കാന്‍

എത്തിയ വീടിനെ,

വഴി തിരഞ്ഞെത്തിയ

വാഹനങ്ങളെ,

കുന്നിന്‍ ചെരുവില്‍

പ്രാര്‍ഥിക്കും പള്ളിയെ!

ജനസാഗരത്തില്‍ ‍

നീന്തികളിക്കുന്ന,

തുടിക്കുന്ന ജീവനെ!!

മുറിവേറ്റ

പെണ്പുലിയെ പോലെ

കടിച്ചു കുടഞ്ഞു തുപ്പുന്നു

ഈ പ്രപഞ്ചത്തെ തന്നെ

ഇന്നലെയോളം കുളിരേകിയ

വെറുമൊരു കാറ്റു!

(ദേശാഭിമാനി വാരികയില്‍ ‍ പ്രസിദ്ധികരിച്ചത് )

ജീവിതം പരിഭാഷപെടുത്തുമ്പോള്‍

2011-11-15T15:01:00.000-08:00

വാതിലുകളില്ലാത്ത മുറി !‍

2011-11-11T16:11:00.000-08:00

കെട്ടു പൊട്ടിയ വള്ളം
കുതിച്ചു പായുന്നുണ്ട്‌
സ്വാതന്ത്ര്യത്തിന്റെ
ഒഴുക്കിലേക്ക്‌ !
മരച്ചില്ലയില്‍ അവനെ
കരുതി വച്ച കുരുക്കിനെ
തിരിഞ്ഞു നോക്കാതെ!

പറന്നു പോകുന്ന ഏകാന്തത,
കൂട്ട് വന്നു ഇക്കിളിപെടുത്തുന്ന
ഓളങ്ങള്‍, മുട്ടിയുരുമി
കടന്നു പോകുന്ന മത്സ്യങ്ങള്‍!!
ആടിയാടി പോകുന്ന പകല്‍,
മലയിറങ്ങാന്‍ മടിച്ചു
നില്‍ക്കുന്ന സൂര്യന്‍,
വാതിലുകളില്ലാത്തമുറി!

കുത്തൊഴുക്കില്‍ വലിച്ചു
കൊണ്ട് പോകുന്ന മാന്ത്രികത
കാണാപ്പുറങ്ങളില്‍ പതുങ്ങി
കിടക്കും പാറക്കിടയില്‍
തകര്‍ന്നടിയുന്ന ജന്മം !

പുറത്തേക്കു വാതിലില്ലാത്ത
ലഹരിയുടെ സ്വാതന്ത്ര്യത്തില്
ഇടിച്ചു തകര്ക്കപ്പെടും
ജീവിതം പോലെ!

ഒരു വാക്ക് കൊണ്ട് പോലും
അടയാളപെടുത്തനാകാതെ
ഉടഞ്ഞു പോകുന്നു കാലം!!

(തന്മ മാഗസിനില്‍ പ്രസിദ്ധികരിച്ചത്)

ചായകൂട്ടു തേടുന്നവര്‍

2011-10-14T13:16:00.000-07:00

ഓര്‍മയുടെ നെറുകയിലാണ്
ചായങ്ങളൊഴിഞ്ഞ
ശൂന്യമായ ആ ക്യാന്‍വാസ്!

കുഞ്ഞി വിരല്‍ തൊട്ടെടുത്ത
സ്നേഹകൂട്ടിന്റെ ചായം
ചാലിച്ചു ചേര്‍ക്കും മുന്‍പേ
ചിറകു വിരിച്ചു പറന്നു
പോയൊരു ബാല്യം!

സ്വപ്‌നങ്ങള്‍ കൂടുകെട്ടിയ
കണ്ണിന്റെ ആഴങ്ങളില്‍
ഒഴുകി വീണ പ്രണയം!
വര്‍ണ്ണച്ചായങ്ങളുടെ
മാന്ത്രികക്കൂട്ടു!
വരച്ചു തുടങ്ങിയൊരു
നനുത്ത പകര്‍പ്പിന്
മുഖമേകുംമുന്‍പേ
ഒളിച്ചോടി പോയൊരു
കൌമാരവും!!

കാലത്തിന്റെ തൊടികളില്‍
കോണ്‍ക്രീറ്റ് കാടുകളില്
വിയര്‍പ്പിന്റെ ഗന്ധങ്ങളില്‍
കോറിയിട്ട മുഖത്തിനായീ
തിരഞ്ഞുകൊണ്ടിരുന്നു
തുടിക്കുന്ന യൌവ്വനം!

ഈ പകല്‍ വെളിച്ചം
പൊലിഞ്ഞുപോകും മുന്‍പേ
കാത്തിരുന്ന കരുതലിന് ‍
മുഖമൊന്നു വരച്ചു
ചേര്‍ക്കാന്‍ ത്രസിച്ചു
കൊണ്ടിരിക്കുന്നു
നരച്ചു തുടങ്ങിയ
ആ ക്യാന്‍വാസ് മാത്രം!!

(മലയാളം വരിക &

പുതുകവിത )

)

വാല്‍നക്ഷത്രം അടയാളപെടുത്തുന്നത്!

2011-10-09T08:12:00.000-07:00

നീ കോറിയിട്ട വാക്കുകള്‍

ആകാശത്തു വെട്ടി വീണ
മിന്നല്‍ പിണര്‍ പോലെ
കൊള്ളി തീര്‍ത്ത്‌ വിറപ്പിക്കും ,
മനസിന്റെ ചായ്പ്പില്‍ പതുങ്ങി
കിടക്കും മയിപീലി തുണ്ടിനെ!

പ്രണയത്തിന്റെ പെരുമഴയത്ത്
കുട ചൂടി ഇറങ്ങി പോയ മൌനം
ഇറയത്തു ഒതുങ്ങനാവാതെ
മഴക്കുള്ളില്‍ പതുങ്ങി കിടക്കും!

കൈകോര്‍ത്തു നടന്ന വാക്കുകളെ,
ഒളിച്ചോടിപോയ നിലാവിനെ.
ചെമ്പകം മണക്കുന്ന
സ്വപ്നങ്ങളുടെ രാവിനെ
ഓര്‍ത്തങ്ങനെ കിടക്കും!

കണ്ണിന്റെ കോണില്‍
ഉദിച്ചുയര്‍ന്ന വാല്‍നക്ഷത്രം
പൊട്ടിച്ചിതറി ചീളുകളായി
തറച്ചിറച്ചിറങ്ങുമ്പോള്‍
അടര്‍ന്നു വീണൊരു
ചോരപ്പൂക്കള്‍ നിലം തൊടാതെ
ഹൃദയത്തിന്റെ ചുവരുകളില്‍
പറ്റിപിടിച്ചിരിക്കും ....!

അപ്പോഴും പടിയിറക്കലില്
പിടച്ചു കൊണ്ടിരിക്കും

നിന്നെ കുടിയിരുത്തിയ വീട്!!

(ആനുകാലിക കവിതയില്‍ പ്രസിദ്ധികരിച്ചത്)

അണച്ച് പിടിക്കാവുന്ന സ്വന്തം

2011-09-28T16:43:00.000-07:00

ബാല്യത്തിന്റെ തൊടിയില്‍

ഓടികളിക്കുന്ന കുറുമ്പന്‍

മണം പിടിച്ചു എത്തുന്നുണ്ട്

ഒളിച്ചു വച്ചൊരു സ്നേഹം

മാന്തിപുറത്തെടുക്കാന്‍!!

നിശബ്ദത കൊണ്ട്

പൊതിഞ്ഞു വച്ചൊരു

ഏകാന്തത തട്ടി തെറിപ്പിച്ചു

കൂട്ടികൊണ്ട് പോകുന്നുണ്ട്

വാക്കുകളില്ലാത്ത വാചാലതയിലേക്ക്!!

കൌമാരത്തിന്റെ പടിക്കല്‍

കളഞ്ഞു പോയൊരു ചങ്ങാത്തം

കടിച്ചെടുത്തു ഓടി വരുന്നുണ്ട്

കൊഞ്ചിക്കാന്‍ തോന്നുന്ന വാത്സല്ല്യം!

കാലത്തിന്റെ കണക്കെടുപ്പില്‍

രക്തത്തിന്റെ വിലപ്പേശാതെ

ഹൃദയത്തിന്റെ വാതിക്കല്‍

കാവല്‍ കിടക്കും കരുതല്‍ !

ഒരു പട്ടികുഞ്ഞിനല്ലാതെ

മറ്റാര്‍ക്ക് കഴിയും

ഇതുപോലെ സ്വന്തമാകാന്‍!!

(സൌദി ടൈംസില്‍ പ്രസിദ്ധികരിച്ചത്)

മഴയനക്കങ്ങള്‍

2011-09-05T05:27:00.000-07:00

ഉഞ്ഞാലാടി പോകും വൈകുന്നേരം

കൊണ്ടുപോയൊരു പകലിനെ

ഒളികണ്ണുകൊണ്ട് നോക്കുന്നുണ്ടു

വെളിച്ചം അടര്‍ന്നു പോയൊരു നക്ഷത്രം!!

പൂച്ച കുഞ്ഞു പോലെ

ഒച്ച കേള്‍പ്പിക്കാതെ

വിരുന്നു വരുന്നുണ്ടൊരു രാത്രി

കാലത്തിന്റെ തുന്നികെട്ടിയ

സഞ്ചിയൊന്നു തുറക്കനായീ !

പുറത്തു ചാടിയ പുസ്തകകെട്ടു...

മാറിന്റെ ചൂട് പറ്റി ചേര്‍ന്നിരുന്ന

പ്രതീക്ഷയെ ഓര്‍മിപ്പിച്ചു....

വിശപ്പിന്റെ നാളുകളെ

പൂട്ടിയിട്ട അറയിപ്പോള്‍

മലര്‍ക്കെ തുറന്ന് കിടക്കുന്നു......

തേച്ചു മിനുക്കി സൂക്ഷിച്ചു

വച്ചൊരു സായാഹ്നം

പായല്‍ പിടിച്ചു ഇരുണ്ടു

പോയിരിക്കുന്നു.....

ഒളിച്ചോടി പോയ കവിതകള്‍

വെളിച്ചം കാണാതെ ഇരുട്ടില്‍...!!

വിരുന്നുവന്ന രാത്രി കൊണ്ട് പോയതോ

കറുത്തിരുണ്ട്‌ പെയ്യാന്‍

തയ്യാറായി തൂങ്ങി നിന്നൊരു

ഉറക്കത്തെയുമായിരുന്നു

കാറ്റ് കൊണ്ടുപോകും

മഴയനക്കങ്ങള്‍ പോലെ....!!

(മാധ്യമം വര്ഷികപതിപ്പ്)

അപ്പോഴും ഭൂമി കറങ്ങികൊണ്ടിരുന്നു....

2011-08-29T16:15:00.000-07:00

ഓണകാഴ്ച

2011-08-21T17:43:00.000-07:00

ഓര്‍മയുടെ കൈ വിടുവിച്ചു
അനാഥത്വത്തിലേക്ക് പടിയിറങ്ങി
പോയൊരു ഓണം
വല്ലാതെ തിരയുന്നുണ്ട്
ഒരു തുണ്ട് തുമ്പ പൂവിനായീ
പിണങ്ങി പോയൊരു
ഐശ്വര്യത്തെ മടക്കി വിളിക്കാന്‍!

സ്വീകരണ മുറിയില്‍
ചിത്രങ്ങളായീ തൂങ്ങിയ
തെറ്റിയും മന്ദാരവും തുളസിയും
സദ്യ ഒരുക്കി കാത്തിരുന്നു
ഒരിക്കലും വിരുന്നു വരാത്ത
ഒരു ഓണത്തപ്പനുവേണ്ടി!

ബാല്യത്തിന്റെ തെക്കിനിയില്‍ \
ബന്ധിക്കപ്പെട്ട അത്തപ്പൂക്കളം
തുള്ളാനെത്തുന്ന തുമ്പികളെ
കാത്തിരുന്നു ഉറങ്ങി
പോയിട്ടുണ്ടാവും!

കൂട്ടുകൂടാന്‍ എത്തിയ
പുലി കളിയും തലപന്തുകളിയും
കമ്പ്യൂട്ടര്‍ ഗെയിമില്‍ കുടുങ്ങിപോയ
കുട്ടികളെ കാത്തിരുന്നു
പറമ്പില്‍ തന്നെ ഉറങ്ങി വീണു!!

അപ്പോഴും ഉറങ്ങാതെ
ബിവറേജ് ക്യുവില്‍
കാത്തു നില്‍പ്പുണ്ട്
ആഘോഷ തിമര്പ്പോടെ
ഒരോണം !!

(മലയാളസമീക്ഷ - ഓണപതിപ്പ് )

http://www.malayalasameeksha.com/2011/08/blog-post_4460.html

അരികിലെത്തുന്ന ദൂരങ്ങള്‍..

2011-08-14T05:59:00.000-07:00

രാകി മിനുക്കി, മൂര്‍ച്ച കൂട്ടി

കൊണ്ട് നടക്കുന്നുണ്ട്

ഒരു തുണ്ട് വെയിലിനെ,

ഇടവഴിയില്‍ വീണുകിടക്കും

ഇരുട്ടിനെ മുറിച്ചെടുക്കാന്‍!

മണ്ണില്‍ ചെവിചേര്‍ത്തു-

വച്ചാല്‍ കേള്‍ക്കുന്നുണ്ട് ‍

ഒരു തുള്ളി വെള്ളത്തിനായീ

പരതുന്ന വേരുകളുടെ

വിശപ്പിന്റെ നിലവിളിയൊച്ച‍

തൊട്ടടുത്തെന്ന പോലെ !

പാലം മുറിച്ചു വന്നൊരു കുന്നു ‍

പതഞ്ഞൊഴുകുന്ന ശാന്തതയിലേക്ക്

ഇറങ്ങി നടന്നതു ആഴങ്ങളുടെ

ദൂരം ഇല്ലാതാക്കുവാന്‍!!

മറവിയുടെ കപ്പല്‍ കയറി

ദേശാടനത്തിനു പോയൊരു

ജീവിതം മഴയുടെ കൈപിടിച്ച്

മടങ്ങിയെത്തിയപ്പോള്‍

കാത്തിരുന്നു ഉണങ്ങി

വീണുപോയൊരു മരം!!

പഴമയുടെ മുറ്റത്ത്‌

ചാരുകസ്സെരയില്‍ ചാഞ്ഞു

കിടപ്പുണ്ടൊരു പ്രതാപം

ദൂരങ്ങള്‍ പിന്നിടാന്‍അവള്‍

ഇറങ്ങി കിടന്ന പാളത്തില്‍!!

(വര്‍ത്തമാനം ആഴ്ചപതിപ്പ് )

ജീവിതം പരിഭാഷപ്പെടുത്തുമ്പോള്‍

2011-07-25T17:39:00.000-07:00

മൌനം കോര്‍ത്തെടുത്ത സൂചി,
തുന്നിച്ചേര്‍ക്കപ്പെടുന്ന വാചാലത.
മാഞ്ഞു പോയത്
ആശയോടെ കോറിയിട്ട
പകലിന്‍ ചിത്രപ്പണികള്‍.

എത്ര തന്നെ ചേര്‍ത്തുപിടിച്ചിട്ടും
ഓര്‍മ്മയുടെ കരങ്ങളില്‍ നിന്നും
വഴുതിപ്പോകുന്ന നിറമാര്‍ന്ന

ചിരിയുടെ വൈകുന്നേരം!

പരിഭാഷപ്പെടുത്താനോ
വായനാസുഖം നല്കാനോ
കഴിയാത്ത പുസ്തകമായി,
ചിതലരിച്ചു പോകുന്ന രാത്രികള്‍

അകന്നകന്നു പോകുന്നൊരു
റെയില്‍വേ ട്രാക്ക് പോലെ
നീണ്ടുപോകുന്ന ജീവിതം
മുറിച്ചു കടക്കാനോ
കുതിച്ചു ചാടാനോ കഴിയാതെ
തുടരുന്ന നിശ്ചലത!

ചുവരിലെ ആണിയില്‍
തൂങ്ങുന്നുണ്ട് ചില്ലുകൂട്ടിലെ

ഒരു സന്തുഷ്ട കുടുബം!

തര്‍ജിനിയില്‍ പ്രസിദ്ധികരിച്ചത്!

ഇരുട്ടിന്റെ കുരുക്കില്‍

2011-07-16T05:57:00.000-07:00

കാഴ്ചയുടെ മറുപുറത്ത്
പടര്‍ന്നു പന്തലിച്ചു
കിടപ്പുണ്ടൊരു കനല്‍ കാട്
എകാന്തതയുടെ ഇരുട്ടിനു
സ്വൈരവിഹാരത്തിനായീ!!

പല്ലുകള്‍ കൂര്‍പ്പിച്ചു,നഖങ്ങള്‍ നീട്ടി
ഉണര്‍ന്നു വരുന്നുണ്ടാവും
ഒരു കാടിനെ മുഴുവന്‍
തിന്നു തീര്‍ക്കാനുള്ള ഇരുട്ട്

ചിലപ്പോഴൊക്കെ അതു
ആകാശത്തെ പട്ടമാക്കി
പറത്തി കളയും
പുതപ്പാക്കി മൂടിയേക്കും
ചുഴിയിലേക്ക് തട്ടി തെറിപ്പിച്ചു
പകലിനെ ഒളിപ്പിച്ചു വയ്ക്കുന്ന
കുസൃതി.!!

എന്നെ തന്നെ ഒരു നിഴലാക്കി
ചുവരില്‍ പതിപ്പിക്കും
തൂണാക്കി കഴുക്കോല്‍ കയറ്റും
ഒരു ബ്ലാക്ക്‌ ഹോളിലേക്ക്‌
വലിച്ചെടുത്തു വീര്‍പ്പുമുട്ടിക്കും
കുസൃതി !!!

കോടതി മുറിയില്‍ എന്ന പോലെ..
ആ ഇരുട്ടിന്റെ കുരുക്കില്‍
എന്നും സംഭവിക്കുന്നുണ്ട്
ഓരോ ആത്മഹത്യകള്‍!!

ഉറുമ്പരിക്കുന്ന മഞ്ഞിന്‍റെ ഫോസില്‍

2011-07-05T09:29:00.000-07:00

ടോര്നടോ ചുഴിയില്‍
അകപ്പെട്ടത് പോലെ
കുഴഞ്ഞു മറിയുന്നുണ്ട്
പുക മറക്കുള്ളില്‍
അലിഞ്ഞൊഴുകാന്‍ വെമ്പുന്ന
സ്നേഹത്തിന്‍ വെള്ളച്ചാട്ടം
വിന്‍ററിലെ നയഗ്രയേ പോലെ
ഉറഞ്ഞു കിടക്കുന്നുണ്ട്
സമ്മറില്‍ എത്തുന്നൊരു
സാന്ത്വനത്തിന്റെ
ചെറു ചൂട് കൊതിച്ച്!

എനിക്കിപ്പോള്‍
കാറ്റില്‍ പറന്നു നടക്കുന്ന
തൂവലിന്റെ ഭാരം
ഇല്ലാതാകുന്ന കാഴ്ചയുടെ
ദൂരങ്ങള്‍ കൊണ്ടുവന്ന ദൃശ്യം...
ഒരു ശവയാത്രയും !
തിരിച്ചറിയുന്ന രൂപത്തിന്
എന്റെ ഛായ തോന്നിയത്,
മിഥ്യയല്ലെന്നു മനസിലായത്
കരയുന്നവരുടെ കൂട്ടത്തില്‍
എന്റെ പ്രിയപെട്ടവരെ
കണ്ടപ്പോഴാണ്!!

ശരീരം ഉപേക്ഷിച്ചു ഞാന്‍
യാത്രയാകുമ്പോഴും
എന്നില്‍ ഞാന്‍ കാണുന്നു...
അലിഞ്ഞൊഴുകാന്‍
വെമ്പല്‍ കൊള്ളുന്ന
സ്നേഹത്തിന്‍ വെള്ളച്ചാട്ടം
വിന്‍ററിലെ നയഗ്രയെ പോലെ
ഉറഞ്ഞു കിടക്കുന്നു
ഒരു സമ്മറിനും അലിയിക്കാനവാതെ .!!!

കവിത സമാഹാരം - ക വാ രേഖ?

കൃതി പബ്ലികേഷന്‍സ്

യാത്ര

2011-06-19T10:24:00.000-07:00

തണുത്തു മയങ്ങി വീഴും

റ്വൈകുന്നേരത്തില്‍

നീ സഞ്ചരിക്കുമ്പോള്‍

പകലിന്റെ ചുട്ടു പൊള്ളുന്ന

ചൂടിലാണ് എന്റെ യാത്ര...!.

എന്നാലും നമ്മുടെ യാത്ര....

ഒരേ തുരുത്തിലെക്കാണല്ലോ

എന്നോര്‍ക്കുമ്പോള്‍

അവിടേക്ക് എത്തിച്ചേരാന്‍

വല്ലാത്ത തിടുക്കം....!!

കാഴ്ചകള്‍

2011-06-05T17:01:00.000-07:00

കാറിലെ റിയര്‍ വ്യു മിറര്‍

തരും മഴ കാഴ്ചയും

മുന്നിലെ ഗ്ലാസിലൂടെ ....

ആകാശച്ചെരുവില്‍ പൂത്തൊരു

മഴവില്ലിന്‍ വര്‍ണ്ണ കാഴ്ചയും !!

കാഴ്ചയുടെ ഇരുപുറങ്ങള്‍ക്കിടയില്‍

മറന്നു വച്ചതൊക്കെയും

ഓര്‍ത്തെടുക്കാന്‍ ശ്രമിക്കും

ഋതുക്കള്‍ പോലെ

ചലിക്കാനാവാതെ ഞാന്‍ !!

ഓര്‍മ്മകളിടിഞ്ഞു തുങ്ങിയ നൂല്‍പ്പാലം

2011-05-30T16:56:00.000-07:00

മങ്ങിയ ഓര്‍മ്മകളിടിഞ്ഞു
തുങ്ങിയ നൂല്‍പ്പാലം
ഭാരം പേറി അറ്റുപോയ ഇഴകളെ
കൂട്ടി ചേര്‍ക്കാനാവാത്ത നിസ്സഹായത!

ഓരോ തവണ കാണുമ്പോഴും
ആദ്യ കൂടികാഴ്ചയിലെ ഭാവ
ചലനങ്ങള്‍ ആവര്‍ത്തിക്കുമ്പോള്‍
നിറം മങ്ങിയ കണ്ണുകളില്‍
കടന്നു പോയൊരു
വസന്തത്തിന്റേയും ഗ്രീഷ്മത്തിന്റേയും
നനുത്ത രൂപങ്ങള്‍ കാണുന്നുണ്ട്;
ഓര്‍മ്മയുടെ പാതയിപ്പോള്‍
വേനലില്‍ വിണ്ടു കീറിയ
പാടം പോലെ തരിശ്ശായീ കിടക്കുന്നു...!!

ഒരാകാശം താഴേക്കിറങ്ങി വന്നു
കാഴ്ചയുടെ തലങ്ങള്‍ മറയ്ക്കുന്നതു പോലെ
പുകമറക്കുള്ളില്‍ മറച്ചു
വച്ചിരിക്കുന്നു ഓരോ മുഖവും!!

വെളിച്ചം ഇല്ലാത്ത നക്ഷത്രം പോലെ
സൂര്യനുദിക്കാത്ത പകല്‍ പോലെ
പച്ചപ്പുകള്‍ അവശേഷിപ്പിക്കാത്ത
മരുഭൂമി പോലെ നിർജ്ജീവമായി-
ത്തീരുന്നു ഓരോ പുതുകാഴ്ചയും!

ഓര്‍മ്മകളില്‍ ചിറകടിച്ചെത്തിയ മൌനം
അധരങ്ങളില്‍ ചേക്കേറിയപ്പോഴും
മിഴികളെന്നും പരതികൊണ്ടിരുന്നു
അല്ഷിമെര്സിന്‍ ചുഴിയില്‍ പെട്ട്
മറവിയുടെ ആഴങ്ങളിലേക്ക്
ഊളിയിട്ടു പോയ ഓര്‍മ്മയുടെ
ഒരു തിരിവെട്ടത്തിനായി !!!

ഒടുവിലത്തെക്കായീ !!!

2011-05-09T17:17:00.000-07:00

ഇടയ്ക്കിടെ കൊതിപ്പിക്കാന്‍
ഓടിയെത്തും എന്നരുകില്‍ ....
കണ്ടു നിറയും മുന്‍പേ
മറഞ്ഞു പോകുന്നു നീ
മരുഭൂമിയിലെ മഴ പോലെ!!

ചോറിനോടൊപ്പം വിളമ്പിയ
ഇഷ്ടപെട്ട മീന്‍ കഷണം
ഒടുവില്‍ വരെ കരുതി വക്കും
കുട്ടിയെ പോലെ
എന്നുള്ളിലെ പ്രണയം
ഞാനെന്നും കരുതി വച്ചു
ഒടുവിലത്തെക്കായീ !!!

പുഴയില്‍ കണ്ടെത്തിയ
പുഴമനസൊഴുകിയത്
നിന്നില്‍ ഒളിപ്പിച്ചൊരു
സ്നേഹകടലിന്റെ
ആഴങ്ങളിലേക്കായിരുന്നു
എന്നിട്ടും
സാധ്യമാകത്തൊരു ലയനമായീ
പിന്നോട്ട് തിരിച്ചോഴുക്കുന്നോ
നൂലില്‍ കോര്‍ത്തെടു ത്തൊരു
ജീവിത ഭാരം!!

അപ്പോഴും ഭൂമി കറങ്ങി കൊണ്ടിരുന്നു...

2011-04-30T19:26:00.000-07:00

സാമൂഹ്യ പാഠ ക്ലാസ്സില്‍
ഭൂമി കറങ്ങി കൊണ്ടിരിക്കുന്നു എന്ന്

പഠിക്കുമ്പോഴാണ് മനസ്സിലായത്

അച്ഛന്‍ എപ്പോഴും ജോണി വാക്കര്‍
അടിച്ചു കറങ്ങുന്നത് ഈ ഭൂമിയില്‍
ജീവിക്കുന്നത് കൊണ്ടാണെന്ന്!

ഗാന്ധാരി ചരിതം പഠിച്ചപ്പോള്‍
മനസ്സിലായീ....അമ്മ
പതിവ്രതയായ ഭാര്യ
ആകാന്‍ ശ്രമിച്ചതാവാം
പെതെടിന്‍ ലഹരിയില്‍
കറങ്ങി തുടങ്ങിയതെന്ന്!!

അമ്മയെ മോഡല്‍ ആക്കിയത്
കൊണ്ടായിരിക്കും ചേച്ചിയും
ബോയ്‌ ഫ്രെണ്ടിനോടൊപ്പം
കറങ്ങി നടക്കുന്നത്....!!

എല്ലാരും കറങ്ങി നടക്കുന്ന
ഈ ഭൂമിയില്‍ ഞാന്‍ മാത്രം
കറങ്ങാതെ ഇരിക്കുന്നത്
എന്തിനെന്ന ചിന്തയില്‍
ആ ആറുവയസ്സുകാരന്റെ
കണ്ണില്‍ തടഞ്ഞതോ
പരാമര്‍ നിറച്ച ബ്രാന്റി കുപ്പി....
ഒന്ന് കറങ്ങാന്‍ കൊതിച്ച
അവനോ ഒരിക്കലും ഉണരാത്ത
ഉറക്കത്തിലേക്കു ഊര്ന്നുപോയീ!!!
അപ്പോഴും ഭൂമി കറങ്ങി കൊണ്ടിരുന്നു

സുഖമുള്ള നോവുകള്‍

2011-04-13T16:15:00.000-07:00

കിണറാഴങ്ങളില്‍ കണ്ട മുഖം
കൈകുമ്പിളില്‍ കോരിയെടുക്കാന്‍
കൊതിച്ചെത്തിയ ചന്ദ്രന്‍
ആഴങ്ങളിലേക്ക് ഊര്ന്നുപ്പോയീ !

ആകാശ ചെരുവില്‍
പടര്‍ന്നു പന്തലിച്ച തീജ്വാല
സ്വന്തമാക്കനെത്തിയ
ഒരുതുണ്ട് മേഘം
തീജ്വലക്കുള്ളില്‍ മുങ്ങി പോയീ !!

പുല്‍ക്കൊടി തുമ്പിലെ
മഞ്ഞുതുള്ളി സ്വന്തമാക്കനെത്തിയ
സൂര്യ കിരണങ്ങള്‍....
മഞ്ഞുതുള്ളിക്കുള്ളില്‍
കുടിങ്ങിപോയീ....!!

അങ്ങ് ദൂരെ ഒരു പൊട്ടു
നിലവായീ ഉദിച്ച നിന്നെ
തൊട്ടെടുക്കാനെത്തിയ എന്നില്‍
നിറഞ്ഞ നിലാ വെളിച്ചത്തില്‍
എനിക്കെന്നെ നഷ്ടമായീ പോയീ !!!

വേരോട്ടം

2011-03-19T14:58:00.000-07:00

ഒരു ചെറു മുളയെന്നെ

കരുതിയുള്ളു

മുള പൊന്തി ചെടിയായീ

കണ്ടതും ഒരല്‍പം മാത്രം

പിഴുതെടുത്ത് കളയാന്‍

ശ്രമിച്ചപ്പോള്‍....

പൊട്ടിക്കാന്‍ പറ്റാതെ.....

കഴിച്ചിട്ടും....കുഴിച്ചിട്ടും

എത്തിപെടാന്‍ പറ്റാത്ത

ആഴത്തില്‍ ഓടിപോയതിന്‍

വേരുകള്‍

എത്ര ശക്തമാണ് ഈ വേരോട്ടം!!! ...

ആഴങ്ങളിലെക്കൊരു വാതില്‍

2011-03-04T14:48:00.000-08:00

കടല്‍ കാണുമ്പോഴെല്ലാം
സുനാമിയുടെ ആര്ത്തലക്കുന്ന
രുദ്ര താണ്ഡവം
ഒരു മിന്നല്‍ പിണര്‍ പോലെ
എന്നിലേക്ക്‌ ഓടിയെത്തിയിരുന്നു!

തിരകളിലൂടെ അലഞ്ഞു
നടന്നു ഇണയെ തേടുന്ന
ഒറ്റചെരിപ്പിന്റെ രോദനവും ..
അലകള്‍ മായിച്ചു കളഞ്ഞ
കാല്പാടുകള്‍ തിരയുന്ന
നിഴലുകളുടെ നിലവിളിയും
എന്നും ഞാന്‍ കേട്ടിരുന്നു!

പ്രതീക്ഷയുടെ ഭാരം പേറി
നിന്റെ മടിത്തട്ടില്‍
കുടുങ്ങിപോയവരുടെ
തേങ്ങലുകള്‍ തിരമാലകളായീ
ഉയര്‍ന്നു താഴുന്നത്
ഞാനറിഞ്ഞിരുന്നു
തിരയടിച്ചെത്തിയ നിന്റെ
ജലത്തില്‍ അവരുടെ
കണ്ണീരിന്റെ ഉപ്പു ഞാന്‍
രുചിച്ചിരുന്നു !!

കാഴ്ചയുടെ കടലിനിപ്പോള്‍
സൗമ്യമായ രൗദ്രഭാവം !
ഉള്ളിലെ കടലിളകുന്നതും
സുനമിയായീ ആഞ്ഞടിച്ച് ,
സ്വപ്നസൗധം തകർത്തൊരു
പേമാരിയായ് മുകളിലോട്ട്
പെയ്യുന്നതും ഞാനറിയുന്നു !!

നിന്റെ ആഴങ്ങളിലേക്ക്
എത്തിപ്പെടാന്‍
വല്ലാതെ ഞാന്‍ കൊതിച്ചത്...
എന്നില്‍ ഒരു കടല്‍ തന്നെ
ഒളിഞ്ഞു കിടക്കുന്നത്
കൊണ്ടായിരുന്നു !!!

(മലയാള കവിതയില്‍ പ്രസിദ്ധികരിച്ചത്)
http://malayalampoetry.com/blog/?p=235

ഈ നഗരം....ഒരു വനം !!

2011-02-12T05:24:00.000-08:00

ഈ നഗരം ഒരു കാടിന്റെ
നിഗൂഡതയാല്‍ എന്നെ
ചുറ്റി വരിയുന്നു.
വൃക്ഷങ്ങളുടെ കൂട്ട നിശബ്ദതയില്‍
പതിയിരിക്കും മൃഗങ്ങളുടെ
കൂര്‍ത്ത നഖങ്ങള്‍ പോലെ
ഈ നഗരം എന്നിലേക്ക്‌
ആഴ്ന്നിറങ്ങുന്നു!
നഗരച്ചുഴിയില്‍ ആഞ്ഞു വീശുന്ന കാറ്റ്
കാടിന്റെ കനത്ത തണുപ്പായീ
എന്നില്ലേക്ക് അരിച്ചിറങ്ങുന്നു!

ഈ നഗരത്തിന്റെ മുഖം
വന്യമായീ തീര്ന്നപ്പോഴാണ്
ആ അമ്മയില്‍നിന്നും അവനെ
പറിച്ചെടുത്ത് ഏകാന്തതയുടെ
തീചൂളയിലേക്ക് തള്ളിയിട്ടതു !!

കാടിന്റെ നിശബ്ദതയിലേക്ക്
അവള്‍ സ്വയം കൂട് കൂട്ടിയതും
അതിന്റെ കറുപ്പ് അവളില്‍
നിഴലായീ പടരുന്നതും
കാടിന്റെ അഗാധതയില്‍
തട്ടി പ്രതിധ്വനിക്കും ശബ്ദം പോലെ
അവളുടെ നിലവിളിയൊച്ച
ഈ നഗരത്തില്‍ അലയടിക്കുന്നതും
ഞാന്‍ അറിഞ്ഞിരുന്നു..!!

ആകാശത്തില്‍ ചിതറികിടക്കും
നക്ഷത്രങ്ങള്‍ക്കിടയില്‍
അവനെ തിരയുന്ന അവളുടെ
കണ്ണില്‍ ഞാന്‍ കണ്ടതും
കാടിന്റെ നിര്‍വികാരം മാത്രം!!
ഈ നഗരം എനിക്കെന്നും
നിഗൂഡതയുടെ വനമായിരുന്നു ..!.!!

വഴിയമ്പലം കൊത്തുന്നവര്‍

2011-02-06T07:05:00.000-08:00

പിന്നിട്ട വഴികളൊക്കെ തിരിഞ്ഞു
നടക്കാന്‍ തോന്നിയപ്പോഴാണ്
ഒരടി പോലും പിന്നോട്ട് വക്കാന്‍
ഇടമില്ലാ എന്ന് തിരിച്ചറിഞ്ഞത്
മുന്നിലേക്ക്‌ നോക്കിയപ്പോള്‍
കണ്ടത് നിന്നെയാണ്
നീയാകുന്ന വഴിയിലൂടെ
സഞ്ചരിക്കുകയാണ് ഞാനിപ്പോള്‍!

ഒരു മാത്ര മരണം എന്റെ
കയ്യകലത്തില്‍ എത്തിയെന്ന്
തോന്നിയപ്പോഴാണ്
ഈ ജീവിതം എനിക്കിത്രയേറെ
പ്രിയമെന്ന് തിരിച്ചറിഞ്ഞത്
മരണ മുഖത്തില്‍ നിന്നും
ഒളിച്ചോടി ഞാനെത്തിയതും
നിന്റെ മടിത്തട്ടില്‍ തന്നെ !!

നിന്റെ പ്രതിബിംബം
കണ്ടു ഞാന്‍ കണ്ണാടിയില്‍
എന്റെ മനസിന്റെ വാതിലിലൂടെ
നീ ഒളിഞ്ഞു നോക്കിയപ്പോള്‍
നിന്നിലൂടെ തീര്‍ക്കുന്നു
ഞാനൊരു വഴിയമ്പലം
തളരുന്ന മാത്രയില്‍
വിശ്രമത്തിനായീ!!!

(മലയാള സമീക്ഷയില്‍ പ്രസിദ്ധികരിച്ചത്)

വൈറല്‍ ഫീവര്‍

2011-01-29T06:31:00.000-08:00

തുള്ളി വിറക്കും പനിയും
ആവി പറക്കും
ചുക്കുക്കാപ്പിയുടെ എരിയും
നാവിന്റെ രുചി എടുത്തപ്പോള്‍
തലക്കുള്ളിലെ മുഴക്കവും
മഴയില അനക്കങ്ങള്‍...
പോലെ ശ്വാസഗതിയും
ഉറക്കത്തെ മാറ്റി നിര്‍ത്തി....

രക്തധമനികള്‍ തിളച്ചു
തൂവുന്നതോ ..ഞരമ്പുകള്‍
ഓരോന്നും ഊരി പോകുന്നതോ
വേദനയുടെ പിരിമുറുക്കം
മറ്റൊരു ലോകത്തേക്ക്
കൂട്ടികൊണ്ട് പോയപ്പോള്‍
വിരല്‍ തൊട്ട അട്ടയെ പോലെ
ചുരുണ്ട് കൂടി കിടക്കയിലേക്ക്
പതിഞ്ഞു പോയീ
ഞരക്കങ്ങളില്‍ കൂടി
വൈറസിന്റെ പിടിയില്‍
ദിനരാത്രങ്ങള്‍ കൊഴിഞ്ഞു വീണു

ഇന്നിതാ
വൈറസ്‌ ചവച്ചു തുപ്പിയ
നീര് വറ്റിയ ചണ്ടിയായീ
മാറിയിരിക്കുന്നു ഞാന്‍!!!

മഴയിലൊരു തിരയല്‍

2011-01-18T17:38:00.000-08:00

മഴ കാണുമ്പോഴെല്ലാം

പെയ്യുന്നുണ്ട് ഒരു മഴ

എന്റെ ഉള്ളിലും

നനയുന്നുണ്ട് ഞാന്‍

മഴയിലിറാങ്ങതെ തന്നെ

തിരയുന്നുണ്ട് ഞാന്‍

മനസില്‍ പെയ്തൊരു

പെരുമഴയില്‍ ഒലിച്ചു

പോയൊരെന്നെ ....!!!

ജീവിക്കും സ്മാരകം

2011-01-11T17:14:00.000-08:00

ചരിത്രത്തിന്റെ ഭാഗമാകുമെന്ന്
അഭിമാനിച്ചൊരു നാള്‍
പതാകയേന്തി കൈയില്‍.....
വിപ്ലവം രചിച്ചു പത്രങ്ങളില്‍ .....
തീപ്പൊരി പാറിച്ചു വേദികളില്‍
ബന്ദുകള്‍..... ഹര്‍ത്താലുകള്‍...
സമരങ്ങള്‍....ലാത്തിചാര്‍ജുകള്‍....

ആവശം സിരകളില്‍
നിറഞ്ഞൊഴുകിയപ്പോള്‍
നെഞ്ച് വിരിച്ചു നിന്നു
പൊരുതി മുന്നേറി
നേതാക്കള്‍ക്ക് വേണ്ടി
ഒടുവില്‍ വീണുപോയൊരുനാള്‍
വെറും സാക്ഷിയായീ മാറി

പത്രങ്ങള്‍ വാഴ്ത്തി....
നേതാക്കള്‍ പുകഴ്ത്തി...
ആരവങ്ങള്‍ ഒഴിഞ്ഞു
വാഴ്ത്തി പാടിയവര്‍
കട്ടിലില്‍ പണിതൊരു ലോകം
ജീവിക്കും സ്മാരകത്തിനായീ !!!

തുള്ളി തുളുമ്പി....ഒരു വര്ഷം കൂടി.....

2010-12-31T22:24:00.000-08:00

കാലത്തിന്റെ കലണ്ടറില്‍ നിന്നു
ഒരു താള്‍ ചീന്തിയെറിയപെട്ടു
ഒരു പുതുവര്‍ഷ പുലരികൂടി
കണികണ്ടുണരാന്‍ ഇടയാക്കി
ആ സര്‍വ്വേശ്വരന്‍ !!

എന്റെ കൂട്ടില്‍ നിന്നും
എന്നോ പടിയിറങ്ങി പോയ നീ
രണ്ടായിരത്തി പത്തു
മാര്‍ച്ചിലെ ചൂടില്‍
നനുത്ത കാറ്റായീ
എന്നെ തഴുകിയെത്തിയപ്പോള്‍
ആട്ടിയോടിക്കാനൊരു
പാഴ്ശ്രമം നടത്തി ഞാന്‍....
നീ എന്നെ വിട്ടുപോകാന്‍
ഒരുക്കമാല്ലാതെ നിന്നപ്പോള്‍
എന്റെ വിരല്‍ തുമ്പിലൂടെ
നീ പുറത്തേക്ക് ഒഴുകിയെത്തി....
എന്നിലേക്ക്‌ പടര്‍ന്നു കയറി....
കവിത.....!!! നീ എനിക്ക്‌
തിരിച്ചു കിട്ടിയ പുണ്യം!!!
നിന്നിലൂടെ എനിക്ക്‌ കിട്ടിയതൊക്കെയും
എന്നും പ്രിയപെട്ടവയാണെനിക്ക്

എന്റെ പ്രിയ ചങ്ങതിയായീ....
ഇണയായീ....തുണയായീ
നിന്നെ എന്നിലേക്ക്‌
മടക്കി അയച്ച
സര്‍വ്വേശ്വരനോട്‌
ഒരു വാക്ക് മാത്രം....
നന്ദി!!!!..നന്ദി!!!..നന്ദി.!!!....

വീട്

2010-12-12T08:04:00.000-08:00

ഈ വീട് ഇന്നലെ വരെ
ചുടുകട്ടകള്‍ അടുക്കി വച്ചു...
സിമെന്റ് തേച്ചു ഉറപ്പിച്ചു
പടുത്തുയര്‍ത്തിയൊരു മന്ദിരം..
നിശബ്ദതയുടെ കൂടായ
വികാരങ്ങളില്ലാത്ത വെറുമൊരു
താവളം മാത്രമയിരുന്നെനിക്ക്

ഇന്നു
വല്ലാത്തൊരു ആത്മബന്ധം
അനുഭവിച്ചറിയുന്നു ഞാന്‍
കൊച്ചു കൊച്ചു പിണക്കങ്ങളും
വല്ല്യ വല്ല്യ ഇണക്കങ്ങളും
സ്നേഹത്തില്‍ ചലിച്ചു
നല്‍കിയൊരു നിറം
ചുവരുകളില്‍ തട്ടി പ്രതിഫലിച്ചപ്പോള്‍
പ്രകാശം കൊണ്ട് നിറഞ്ഞത്‌
എന്റെ മനസും ഈ വീടും!!
കുട്ടികളുടെ കളിചിരിക്കള്‍ക്കായീ
തളം കെട്ടിയ നിശബ്ധത
വഴി മാറിയപ്പോള്‍
ശബ്ദമുഖരിതമായീ
സ്നേഹം തുളുമ്പും ഈ വീട് !!

കറുപ്പിന്റെ മറവില്‍

2010-12-07T11:12:00.000-08:00

മേഘങ്ങള്‍ ഒഴിഞ്ഞ ആകാശം
കടലിലേക്ക്‌ ഇറങ്ങി ചെന്ന്
ആഴങ്ങളോളം മുങ്ങി തപ്പി
നക്ഷത്ര മത്സ്യങ്ങളെ
സ്വന്തമാക്കി മടങ്ങി ...

ഇണങ്ങിയും പിണങ്ങിയും
സല്ലപിക്കും ഇണകുരുവികളുടെ
സ്വൈരത കവര്‍ന്നെടുത്തു
ആദിത്യനും ആഴങ്ങളിലേക്ക്
മറഞ്ഞു പോയീ....

കറുപ്പിന്റെ മറവില്‍
യഥേഷ്ടം വിഹരിക്കും
കറുത്ത കൈയ്യിലെ
കറകളിലേക്ക്
കണ്ണുതുറന്ന ചന്ദ്രനോ
ഒളിച്ചോടനകാതെ
പകച്ചു നില്‍ക്കുന്നു !!!

(കണികൊന്നയില്‍ പ്രസിദ്ധികരിച്ചത്)

അങ്ങനെ ചിലത് ...

2010-11-26T16:23:00.000-08:00

ചില ഓര്‍മ്മകള്‍ അങ്ങനെയാണ്
എത്ര മറക്കാന്‍ ശ്രമിക്കുന്നുവോ
അത്രയും ശക്തിയായീ
പിന്തുടരുന്നു

ചില നാളുകള്‍ അങ്ങനെയാണ്
എത്ര ഒഴിവാക്കാന്‍ ശ്രമിച്ചാലും
അത്രയും ശകതമായീ
തേടിയെത്തും

ചില ബന്ധങ്ങള്‍ അങ്ങനെയാണ്
എത്ര പൊട്ടിച്ചെറിയാന്‍ ശ്രമിച്ചാലും
അത്രയും ശക്തമായീ
കോര്‍ത്തിണക്കപെടും

അങ്ങനെ ഒരോര്‍മ
അങ്ങനെ ഒരു നാള്‍
അങ്ങനെ ഒരു ബന്ധം
അങ്ങനെ ഒന്നാണ്
എന്റെ വിവാഹവും

കൊഴിഞ്ഞു പോകും നേരം...(ഫാള്‍)

2010-11-12T15:43:00.000-08:00

മഞ്ഞുപ്പെയ്യുന്ന ഒരു വൈകുന്നേരത്ത്
വിറങ്ങലിച്ച തടിബഞ്ചില്‍ വച്ചാണ്
നമ്മള്‍ ആദ്യം കണ്ടുമുട്ടിയത്‌
നീ എന്നിലേക്ക്‌ ഒഴുകി
വരുകയായിരുന്നു ..

ഒരു പൂവിതള്‍ പോലെ
നിന്റെ സൌന്ദര്യം കണ്ടാണ്‌
നിന്നെ ഞാന്‍ എടുത്തു വച്ചത് !

പച്ചയായീ ജനിച്ച നീ
മഞ്ഞയായീ...ചുവപ്പായീ....
ജ്വലിക്കുന്ന സൌന്ദര്യമായീ
മാറിയിട്ടൊരു നാള്‍
കൊഴിഞ്ഞു വീഴുമ്പോള്‍
നിന്റെ അമ്മ എത്രമേല്‍
വേദനിക്കുന്നുണ്ടാവും!!

ഇത്രമേല്‍ സൌന്ദര്യം
നിനക്ക് പകര്‍ന്നേകി
സൃഷ്ടിച്ചത് സംരക്ഷിച്ചത്
അവളുടെ ഭാഗമാക്കിയത്
ഇങ്ങനെ ഒരു നാള്
കൊഴിഞ്ഞു പോകുമെന്നു
അറിയാതെ ആയിരുന്നിരിക്കാം!!!

ഓര്‍മയുടെ ചക്രവാളത്തിലെ നിലാവെട്ടം

2010-11-07T08:56:00.000-08:00

(കവി അയ്യപ്പന് ആദരാഞ്ജലികള്‍. എന്റെ പ്രിയ സുഹൃത്ത്‌ ആവശ്യപെട്ടതനുസരിച്ചു കവി അയ്യപ്പനെ കുറിച്ച് ഏതാനും ചില

വരികള്‍ ഇവിടെ കുറിക്കട്ടെ ...)

അക്ഷരങ്ങളുടെ ആകാശ മുറ്റത്തു
സൂര്യ പ്രഭയോടെ തിളങ്ങിനിന്ന
കറുത്ത മുത്തെ... നീ
ഓര്‍മയുടെ ചക്രവാളത്തിലേക്ക്
മറഞ്ഞപ്പോള്‍ ഉദിച്ചു ഉയര്‍ന്നത്
ഒരമാവാസിക്കും മറയ്ക്കാനാവാത്ത
ചന്ദ്രബിംബം പോലെ
നിലാവെട്ടംപ്പൊഴിക്കുന്ന
നീ രചിച്ചൊരു അക്ഷര
കാവ്യങ്ങള്‍ ആയിരുന്നു !!
അക്ഷര ലോകത്തെ കറുത്ത മുത്തെ
നിന്റെ വേര്‍പാടിന് മുന്നില്‍...
കണ്ണീര്പൂക്കളാല്‍ ഈ അര്‍ച്ചന....!!!

മറുകാഴ്ച

2010-10-28T16:22:00.000-07:00

നിന്നെ കാണുമ്പോഴൊക്കെ
ചെവി പൊത്തി കണ്ണുപൊത്തി
വാ പൊത്തിയ ബിംബങ്ങളെ
ഓര്‍മിച്ചു ഞാന്‍

കരയാതെ നീ പിറന്നപ്പോള്‍
വിരിഞ്ഞതൊക്കെ കണ്ണീര്‍ പൂക്കള്‍
വിരല്‍ തുമ്പിലെ നൂല്‍ ബന്ധത്തില്‍
ചലിക്കും പാവയെ പോലെ
നിന്റെ ചലനങ്ങള്‍
ചിലപ്പോള്‍ നീ കരഞ്ഞു
ചിലപ്പോള്‍ നീ ചിരിച്ചു
എന്തിനെന്നു പോലും അറിയാതെ

നിശബ്ദതയുടെ തടവറ
ഭേദിച്ച് എത്തി നോക്കും
നിന്റെ മൊഴികള്‍
തത്തമ്മ പെണ്ണിന്റെ
മറുവാക്ക് പോലെ
ആവര്‍ത്തിച്ചിരുന്നു

നിന്റെ വഴികള്‍ പിന്തുടര്‍ന്ന്
നിന്നിലേക്ക്‌ എത്തിച്ചേരാന്‍
ഞാന്‍ ശ്രമിച്ചപ്പോഴൊക്കെ
നിസഹായത ചാട്ടുളിയായീ
തുളഞ്ഞു കയറുന്നത് ഞാന്‍ അറിഞ്ഞു
നീ തീര്‍ത്തൊരു ലോകത്തിലേക്ക്‌
നീ നടന്നു മറഞ്ഞപ്പോള്‍
ചലനമറ്റു നോക്കി നില്‍ക്കാനേ
എനിക്ക്‌ കഴിഞ്ഞുള്ളൂ....!!!

Published in തര്‍ജ്ജനി, ഒക്ടോബര്‍ 2010, Volume 6, No. 10

ഹൃദയശാസ്ത്രം

2010-10-16T17:47:00.000-07:00

കെന്നഡി സാറിന്റെ ചൂരലും
അമ്മിണി ടീച്ചറിന്റെ ഉണ്ടക്കണ്ണും
കണക്കിലെന്നെ മെരുക്കിയപ്പോള്‍
ലീലാവതി ടീച്ചറിന്റെ സ്നേഹശാസന
സയന്‍സിനെ ഉള്‍കൊള്ളാന്‍ പഠിപ്പിച്ചു

അനുഭവശാലയില്‍ നിന്നും
ഹൃദയശാസ്ത്രം മന സ്സി ലാക്കി
തള്ളാനും കൊള്ളാനും പഠിച്ചു
എന്നഹങ്കരിച്ചു നില്ക്കുമ്പോഴും
അറിയാതെ ചോദിച്ചു പോകുന്നു
ഇന്നിന്റെ ഹൃദയശാസ്ത്രം
പഠിക്കാന്‍ ഏതു പാഠശാലയെയാണ്
ആശ്രയിക്കേണ്ടത്.... ?

മൌനത്തിന്‍ തോട്

2010-10-09T10:14:00.000-07:00

നിശബ്ദത വേലി കെട്ടിയ വരമ്പില്‍
മൌനം വിഴുങ്ങി ഞാന്‍
ഊതി വീര്‍പ്പിച്ച ബലൂണ്‍ പോലെ
പൊട്ടാന്‍ വെമ്പുന്ന നീ
എന്റെ മൌനത്തിന്‍ തോട്
കൊത്തിയകറ്റാന്‍ നീ ശ്രമിച്ചപ്പോള്‍
കലപില കൂട്ടിയതെന്റെ കനവുകള്‍

മച്ചിയായൊരു സ്ത്രീ പേറ്റുനോവിന്‍
സുഖമറിയും പോലെ
നിറഞ്ഞ മഴയില്‍ നനഞ്ഞു കുതിര്‍ന്ന
മരു പോലെ ഞാന്‍ മാറിടുമ്പോഴും
നിസംഗതയുടെ പുതപ്പണിഞ്ഞു
മുളപൊട്ടിയ കനവുകളെ വലിച്ചെടുത്തു
മൌനത്തിന്‍ തോടിലേക്ക്
ഉള്‍വലിയാനെ കഴിഞ്ഞുള്ളൂ !!

അംഗ്രേസി പരിഷ്ക്കാരം

2010-09-27T16:51:00.000-07:00

എനിക്കും വേണമൊരു കൂട്ടുക്കാരന്‍
ഡേറ്റിങ്ങിനും ചാറ്റിങ്ങിനുമായീ
അമ്മിഞ്ഞപ്പാലിന്റെ
നറുമണം മാറാത്ത
മൂന്നു വയസുക്കാരിയുടെ
ചൊടികളില്‍ നിന്നടര്‍ന്നു വീണത്‌
പതിനേഴിന്റെ പടിവാതിക്കലെത്തി
സ്വപ്നം കാണും പെണ്‍കൊടിയുടെ
കനവുകള്‍ പോലെ വ്യക്തമായിരുന്നു!

മുത്തശി കഥകള്‍ കേട്ടും
ടോം ആന്‍ഡ്‌ ജെറി
കാര്‍ട്ടൂണ്‍ കണ്ടും
ചിരിച്ചു രസിക്കേണ്ട
മൂന്നു വയസുക്കാരി
നിലാവിലെ പ്രണയ കഥ
വിവരിച്ചപ്പോള്‍
നാണത്താല്‍ ചുവന്നു
തുടുക്കുന്ന മുഖം
സിനിമയിലെ നായികയെ
ഓര്‍മ്മപ്പെടുത്തി !!
തിരുത്തികുറിക്കും വളര്ച്ചഘട്ടം
മാറ്റിമറിക്കും കാഴ്ച്ചപാടുകള്‍
പരിഷ്കൃത നാട്ടിലെ
അംഗ്രേസി പരിഷ്ക്കാരം!!!

അമ്മയെ വായിച്ചറിഞ്ഞ നാള്‍

2010-09-20T16:15:00.000-07:00

കാലത്തിന്‍ കണ്ണാടിയില്‍
നിറവാര്‍ന്നൊരു ചിത്രം
തെളിഞ്ഞിരുന്നു
അമ്മയെ വായിച്ചറിഞ്ഞ നാളുകള്‍

എന്നുള്ളില്‍ ജീവന്റെ
തുടിപ്പ് മൊട്ടിട്ടപ്പോള്‍
മനസിന്റെ തന്ത്രികള്‍ മീട്ടും
വീണാനാദം കേട്ടിരുന്നു
ഉദരത്തിലെ ചലനങ്ങള്‍
മനസിന്റെ മേടയില്‍
നൃത്താനുഭവം തന്നിരുന്നു

കേള്‍ക്കാത്ത സംഗീതത്തില്‍
കാണാത്ത ചുവടുകളില്‍
അറിയാതെ...അറിയാതെ
ഞാന്‍ അലിഞ്ഞിരിന്നു....

പേറ്റുനോവിന്‍ കൊടുമുടി താണ്ടി
കിട്ടിയൊരു ദര്‍ശന സുഖം
പൂപോലെ വിടര്‍ന്നൊരു
ഓമന മുഖം....
ഹാ..അനുഭൂതിയുടെ കുളിര്‍-
തെന്നലില്‍ ചുരത്തിയ മുലപ്പാല്‍
നനവായീ പടരുന്നത്‌
ഞാന്‍ അറിഞ്ഞിരുന്നു
അമ്മ!!! അമ്മയെ വായിച്ചറിഞ്ഞ നാള്‍ !!

അസ്തമയം

2010-09-13T17:35:00.000-07:00

ആഴങ്ങളില്‍ മറയും സൂര്യ
നീ അവാഹിച്ചെടുത്തിട്ടുണ്ടോ
എന്റെ നൊമ്പരങ്ങളുടെ കടലിനെ
ആകാശത്തിന്റെ ചെരുവില്‍ വെച്ചു
മേഘങ്ങള്‍ നിറങ്ങള്‍ ചാര്‍ത്തി തന്നെ

എന്റെ സ്വപ്നങ്ങളെ
നീ കടലിന്റെ ആഴത്തിലെ
മുത്തുകള്‍ക്കു സമ്മാനിക്കുമോ

ഒരു പകല്‍ മുഴുവനു
ഒറ്റ മുറിയില്‍ ഏകാന്തതയില്‍
നിന്റെ വെളിച്ചത്തെ സാക്ഷിയാക്കി
ഞാനൊരു കിനാവിനെ പ്രസവിച്ചിട്ടുണ്ട്

കുട്ടികൊണ്ട് പോവുക
മീനുകല്‍ക്കൊപ്പം കളിയ്ക്കാന്‍ വിടുക
നിന്റെ പ്രകാശം തട്ടി
ഞാനുമിപ്പോള്‍ ആരുമറിയാതെ
ജ്വലിക്കുന്നു നിറം വക്കുന്നു
വിരിയുന്നു

(വര്‍ഷങ്ങള്‍ക്കു ശേഷം അച്ചടി മഷി പുരണ്ട എന്റെ കവിത

ഹലോ കേരളയില്‍ ...)

മഷി കറുപ്പ്

2010-09-07T17:13:00.000-07:00

പേനയില്‍ നിന്നും കുടഞ്ഞിട്ട
മഷി പോലെ പടരുന്നു
നിന്റെ വാക്കുകള്‍
എന്റെ ഹൃത്തടത്തില്‍

സ്നേഹത്തിന്‍ തൂവാല
കൊണ്ടൊപ്പിയെടുക്കാന്‍
തുടങ്ങിയപ്പോള്‍
മഷികറുപ്പ്‌ കൊണ്ട്
വികൃതമായീ തൂവാല !!

സൌഹൃതത്തിന്‍ തെളിനീര്‍
തൂകി വെടിപ്പാക്കാന്‍
ശ്രമിച്ചപ്പോള്‍
തെളിനീരില്‍ കലര്‍ന്നു
ആ മഷി കറുപ്പ്

പുലര്‍കാലെ തെളിയുന്ന
കിരണങ്ങള്‍ പോലെ
തെളിവുള്ള അക്ഷരങ്ങളായീ
മാറട്ടെ ആ മഷി കറുപ്പ്!!!

മൂര്‍ച്ചയേറിയ......

2010-08-28T06:08:00.000-07:00

ഒരു രാത്രിയില്‍ പകര്‍ന്നെടുത്ത

സുഖത്തിന്റെ ബാക്കിയായീ

വഴിയോരത്തില്‍

പെറ്റിട്ട അനാഥത്വം

ആയിരം കത്തിമുനയുടെ

മൂര്‍ച്ചയോടെ

കുത്തിയിറങ്ങുന്നു

മനസാക്ഷിയറ്റു പോയൊരു

സമൂഹ മനസ്സില്‍ !!!

(സൈകതത്തില്‍ പ്രസിദ്ധികരിച്ചത്)

വരുമോ വീണ്ടും ആ മാവേലി!?

2010-08-20T19:22:00.000-07:00

മഴ പെയ്താല്‍ കരയുന്ന വീട്
പട്ടിണി പായയില്‍
ഉറങ്ങി പോയ മക്കള്‍
ഉറക്കമില്ലാത്ത അവനില്‍
കനലായീ എരിയുന്നു ഓണം!

കാണം വിറ്റും ഓണം കൊള്ളണം
എന്നൊരു പഴമൊഴി നിലനില്‍ക്കെ
വില്‍ക്കാന്‍ കാണം പോലുമില്ലെങ്കില്‍
എന്ത് ചെയ്യുമെന്ന് ചിന്തിച്ചവന്‍!!

ആര്‍ഭാട കാഴ്ചകളിലും
കമ്പോളങ്ങളിലും ബാറുകളിലും
തെരുവോരങ്ങളിലുമായീ
ഇന്നത്തെ ഓണം
നിറഞ്ഞു നില്‍ക്കുന്നു....
പൂക്കളവും സദ്യവട്ടങ്ങള്‍ പോലും
കമ്പോളങ്ങളില്‍ ലഭ്യമാകുമ്പോള്‍
അവിടെ ഓണാഘോഷങ്ങള്‍
ഗംഭീരമായീ തീരുന്നു

അപ്പോഴും തിരയുന്നവന്‍..
ഇതിഹാസ മാവേലി
വന്നിടുമോ വീണ്ടും
നിറവയര്‍ ഭക്ഷണം സ്വപനം
കാണും എന്‍ പൈതങ്ങളുടെ
സ്വപ്ന സാക്ഷത്കാരത്തിനായീ!!?

( നാട്ടുപച്ചയില്‍ പ്രസിദ്ധികരിച്ചത് )

ബൂമറാങ്ങ്

2010-08-01T13:27:00.000-07:00

വല്ലാത്ത കനം തോന്നിയപ്പോഴാണ്

നെഞ്ചോടു ചേര്‍ത്തു വച്ച

പ്രണയം വലിച്ചെറിഞ്ഞത്

ബൂമറാങ്ങ് പോലെ കറങ്ങി

തിരിച്ചെത്തിയപ്പോള്‍

അതിനു നിന്റെ മുഖമായിരുന്നു !!!

എരിഞ്ഞടങ്ങും നോവ്‌

2010-07-26T20:21:00.000-07:00

ഈ ഭൂലോക സൌന്ദര്യം
മുഴുവനായീ പകര്‍ന്നെടുത്തു
ആകാശത്തിന്‍ ചെരുവില്‍
നിറങ്ങള്‍ ചാലിച്ചോഴുക്കി
ജ്വലിച്ചു നില്‍ക്കും ...
നിന്‍ വദനത്തില്‍
മിന്നിമറഞ്ഞതേതു ഭാവം
സ്നേഹമോ കുളിരോ
ശാന്തിയോ സംതൃപ്തിയോ

ഒരു പകല്‍ മുഴുവന്‍
വെളിച്ചമേകി മടങ്ങുമ്പോള്‍
സംതൃപ്തനായിരുന്നുവോ നീ?
ഒരു പൊട്ടായീ അങ്ങ് ദൂരെ
മറയുമ്പോള്‍ നിന്റെ
ചൊടികളില്‍ നിന്നടര്‍ന്നു
വീണൊരു വാക്കുകള്‍
അലയടിച്ചെത്തി എന്‍
കര്‍ണങ്ങള്‍ക്ക് ആനന്ദമായീ

അസ്തമയമാകുവോളം
വെളിച്ചമേകുക നിന്‍
ചുററും ഉള്ളവര്‍ക്കായീ
നീ ജ്വാലയായീ എരിയും നോവ്‌
ആരുമറിഞ്ഞില്ലെങ്കില്‍ പോലും !!!

ഹാ ചൂട്,,,

2010-07-19T13:38:00.000-07:00

വേനല്‍ ചൂടേറ്റു ഉണങ്ങി

പോയൊരു ഭൂമി പോലെ

വിണ്ടു കീറുന്നു എന്‍

ചിന്താ മണ്ഡലവും....

കാണുന്നില്ല നനവേകാന്‍

ഒരു ഉറവ പോലും

എവിടെയാണ്...എവിടെനിന്നാണ്

ആ ഉറവ എനിക്കായീ

പൊട്ടി പുറപെടുക!!??

മാനവസേവ

2010-07-12T08:07:00.000-07:00

നിലാ മഴ പെയ്യും ആകാശമായും
നറുമണമേകും പൂക്കളായും
കുളിരേകും ഇളം തെന്നലായും
നീയെന്നില്‍ നിറയുമ്പോഴും
പൊട്ടിപുറപ്പെടാന്‍ തയ്യാറായി
പതിയിരിക്കുന്നുണ്ടാവാം
കൊടുങ്കാറ്റോ പേമാരിയോ
ഭൂകമ്പമോ ദുരന്തമായീ !

പ്രളയമെത്ര ഉണ്ടായാലും
വെറുക്കുമോ കടലിനെ
ഭയക്കുമോ പ്രകൃതിയെ ...
നെഞ്ചോടു ചേര്‍ത്ത്
സ്നേഹിക്കുന്നുവെന്നും
ഈ പ്രകൃതിയെ പോല്‍
നിന്‍ ജീവനെയും ജീവിതത്തെയും !!

കണക്കുകള്‍ കൂട്ടിയും കുറച്ചും
വെട്ടിയും തിരുത്തിയും പഴാക്കി
പകയുടെ പാഠങ്ങള്‍ ഉരുവിടുമ്പോള്‍
ജയിച്ചു മുന്നേറാന്‍ മനസിന്റെ വെമ്പല്‍
അറിയുന്നുവോ നീ!!??

സ്നേഹം നിറച്ചിടാം പകര്‍ന്നിടാം
നീട്ടാം സഹായ ഹസ്തമൊന്നു
ആലംബഹീനര്‍ക്കും അവശര്‍ക്കും
മാനവ സേവ മഹത്തരം
മാധവ സേവക്കു തുല്യമത്
മനുഷ്യനെ അറിയാത്തവന്‍
അറിയുന്നില്ല ദൈവത്തെയും!!!

കൂടണയും നേരം

2010-07-05T13:06:00.000-07:00

പൊങ്ങിയും താഴ്ന്നും
വട്ടത്തിലും നീളത്തിലും
ചിറകടിച്ചുയര്‍ന്ന
പ്രാണ വേദനയുടെ
കാറിച്ച തിരിച്ചരിഞ്ഞുവോ

വഴി മാറി ഇടം തെറ്റി
എത്തിയതല്ലിവിടെ
പടുകൂറ്റന്‍ മരമൊന്നു
വെറുമൊരു മരകുറ്റിയായി
അവശേഷിക്കെ എവിടെ
തിരയുമെന്‍ പൊന്നോമന
കുരുന്നു മക്കളെ!!??

പിടക്കുന്നൊരു നെഞ്ചിന്‍
താളമറിഞ്ഞില്ലയാരും
കേട്ടില്ലാരും നെഞ്ച്പൊട്ടും
നീറും വേദനയുടെ
നിലവിളിയൊച്ചയും..!!!.

മരങ്ങള്‍ മുറിച്ചു മാറ്റി
പടുത്തുയര്‍ത്തും
മണി മന്ദിരങ്ങളില്‍ തട്ടി
അലിഞ്ഞു പോയിട്ടുണ്ടാവാം...!!!

കാര്‍മേഘ ശകലങ്ങള്‍

2010-06-23T16:08:00.000-07:00

കാര്‍മേഘങ്ങള്‍ മൂടി കെട്ടിയ
ആകാശത്തിന്‍ ചെരുവില്‍
നിന്നൊളിഞ്ഞു നോക്കും
സൂര്യന്റെ മുഖത്തും
നേരിയൊരു ആശങ്കയുണ്ടോ
എന്‍ മുഖത്തെന്ന പോലെ

മഴമേഘങ്ങളെ മുറിച്ചെത്തും
മിന്നല്‍ പിണരിന്‍ ശോഭയില്‍
മങ്ങി പോയതാകാം നിന്‍
മുഖത്തിന്‍ പ്രഭാവലയം
അതോ പ്രണയ പനി തന്‍
ചൂടില്‍ വാടി പോയതോ
തേജസേറും നിന്‍ വദനം

പുതു ദീപത്തിന്‍ പൊന്നൊളി
മിന്നല്‍ പിണരുകള്‍ ആകവേ
ഹൃദയത്തുടിപ്പുകള്‍
ഇടിനാദമായീ മുഴങ്ങവേ
പിടക്കുന്ന നെഞ്ചിനുള്ളില്‍
ഒളിപ്പിച്ചു വെച്ചൊരു
കാര്‍മേഘ ശകലങ്ങള്‍
മഴയായീ പെയ്തിറങ്ങുമ്പോള്‍....
എന്നിലൂടെ ഒഴികിയൊലിച്ചത്
പ്രണയത്തിന്‍ കുളിര്‍മഴയോ

തകര്‍ത്തു പെയ്യും മഴയില്‍
ഒഴികിയോലിച്ചു പോയല്ലോ
ആശങ്കകളും ആകുലതകളും
കത്തിജ്വലിക്കുന്നു നീയും
പടരുന്നു ആ ജ്വാല തന്‍
പ്രകാശമെന്‍ വദനത്തിലും!!

പൂ പോലെ...

2010-06-16T18:24:00.000-07:00

മുള്ചെടിയില്‍ പൂത്തൊരു
പൂവേ നിനക്കിങ്ങനെ
ചിരിക്കാന്‍ കഴിയുവതെങ്ങനെ!?
പലവട്ടം ചോദിച്ചു ഞാന്‍.....
കിട്ടിയോരുത്തരമോ ...
വിടര്‍ന്നൊരു ചിരി മാത്രം!!

മധു നുകരുവാനെത്തിയ
ശലഭങ്ങളോടും ചോദിച്ചു ഞാന്‍
നിങ്ങള്‍ക്കറിയുമോ ഇങ്ങനെ
ചിരിക്കുവാനെങ്ങനെ കഴിയുന്നു
മുള്ളിന്‍ പുറത്തിരുന്നു കൊണ്ട്....!??

പുതു പൂക്കളെ തഴുകിയെത്തിയ
കൊച്ചിളം തെന്നല്‍ എന്‍ ചോദ്യം
കേട്ടൊന്നു ചിരിച്ചു..മെല്ലെ മന്ത്രിച്ചു
സ്വകാര്യമൊന്നെന്‍ കാതില്‍
നീയുമിതുപോലൊരു പൂവാണ്
അവാസന ഇതള്‍ കൊഴിയും വരെ
ചിരിച്ചു നില്‍ക്കും പൂവ്!!!

ചില ജന്മങ്ങള്‍

2010-06-09T07:39:00.000-07:00

ചില മാനവ ജന്മങ്ങള്‍ .
ഭാരമായി തീര്‍ന്നിടുന്നു ഏവര്‍ക്കും
ജീവിച്ചു തീര്‍ക്കുന്നൊരു ജീവിതം
നോവിന്‍ പൂക്കള്‍ നല്‍കുവാനായി..

മദ്യ സേവ മാത്രമേ സുഖം
മദ്യ ശാലകള്‍ സ്വര്‍ഗ്ഗവും
മനവനായീ പിറന്നുവെങ്കിലും
മൃഗ ജീവിതം നയിചിടുന്നു

മകനായീ ജീവിച്ച നാള്‍
ജന്മമേകിയതിന്‍ ശിക്ഷയായി
കൊടുത്തു മാതാപിതാക്കള്‍ക്ക്
കടലോളം കണ്ണുനീര്‍ !

ഒരായിരം പ്രതീക്ഷയുമായീ
സ്നേഹത്തിന്‍ കൂട് കൂട്ടാന്‍
കൈപിടിച്ച തന്‍ പ്രിയതമക്ക്
സമ്മാനിച്ചു ദുഃഖത്തിന്‍ നീര്കുടം!!

മക്കളായീ പിറന്നവര്‍ക്ക്
ലാളനയല്ല സംരക്ഷണമല്ല...
നല്കിയിതോരായുസിന്‍
വേദനയും അപമാന ഭാരവും!!!

അറിയുന്നില്ല മാനവന്‍...
മദ്യാസക്തി കൊല്ലുന്നവനെയും
കൊല്ലാതെ കൊല്ലുന്നു
അവനു ചുറ്റുമുള്ളവരെയും!!!!

ഒരു തിരി നാളം

2010-05-31T10:00:00.000-07:00

ഒരു തിരി പകരും വെളിച്ചം
നിറക്കുന്നു അകവും പുറവും
ദീപമേ... ഓജസേകുന്നു നീ
ഉണര്‍വ്വിന്‍ ഉള്‍വിളിയായീ

രാവിന്‍റെ മാറിലൊഴുകും
പാല്‍ നിലാവ് പോല്‍
ഇരുള്‍ നിറഞ്ഞൊരെന്‍
മനസിന്‍ ഇടനാഴിയില്‍
പ്രത്യാശയാം നിലാ-
വെളിച്ചം പരന്നൊഴുകി

നിറം മങ്ങിയോരെന്‍
സ്വപ്നങ്ങളില്‍ നീ
ആയിരം മഴവില്ലിന്‍
വര്‍ണ്ണങ്ങള്‍ പകര്‍ന്നേകി
കാലം വീഴ്ത്തിയൊരു
കരിനിഴല്‍ മായിച്ചു
പ്രകാശപൂരിതമാക്കി...
എന്‍ അന്തരംഗം ...!!!

നഷ്ടം

2010-05-23T09:01:00.000-07:00

നിശബ്ദതയെ ആവാഹിച്ചൊരു
മുറിക്കുള്ളില്‍ ബന്ധിച്ചു
ശുദ്ധി കലശം ചെയ്തൊരു
മണി മഞ്ചലൊരുക്കി
പ്രതിഷ്ടിച്ചതിന്‍ മേലെ
ചങ്ങലക്കിട്ടൊരു
മൃതപ്രായ ദേഹിയേയും!!

മനസിന്റെ കടിഞ്ഞാണ്‍
ഒന്നയഞ്ഞു പോയതോ...
പിടിവിട്ടു കുതറി
പാഞ്ഞു പോയതോ....
കണ്ണുകള്‍ ചിമ്മി
വലം വച്ചു മുറിക്കുള്ളില്‍
മച്ചിന്റെ മേലെ ഉറച്ചു നോട്ടം

നിറമില്ല രൂപങ്ങള്‍
തെളിയുന്നു സ്ഥാനങ്ങള്‍
മിന്നുന്നു പൊയ്മുഖങ്ങള്‍
ഇതില്‍ എവിടെയാണെനിക്ക്
എന്നെ നഷ്ടമായത്...!!!???

പുഴ മനസ്

2010-05-16T12:41:00.000-07:00

കിലുകിലെ ചിരിച്ചൊഴുകും
പുഴയുടെ തീരത്ത്
കിന്നാരം ചൊല്ലും കരയും
പുഴ മൊഴിഞ്ഞു കരയെ
നീയൊരു സുന്ദരി ഭാഗ്യവതി
നിന്നില്‍ ജന്മമെടുത്തൊരു
വൃക്ഷങ്ങളേകും തണലും
മലരുകള്‍ തന്‍ സുഗന്ധവും
കായ്കനികളുടെ മാധുര്യവും
നുകര്‍ന്നാസ്വദിച്ചു ആനന്ദിച്ചു
വിശ്രമിക്കാം മതിവരുവോളം.....

പുഴയാം ഞാനൊഴുകുന്നു
ഇല്ല തെല്ലും വിശ്രമം
കൊതിയേറെയുണ്ടെങ്കിലും
എന്‍ നീരേകി നിലനിര്‍ത്തുമനേകം
ജീവനുകള്‍ ...ജീവിതങ്ങള്‍
ഓടി കിതച്ചു തളര്‍ന്നു ഞാന്‍
കാതങ്ങള്‍ പിന്നിടുവാന്‍
ഏറെയുണ്ടെനിക്കിനിയും
എത്രമേല്‍ ആഗ്രഹിചീടുന്നൊരു വിശ്രമം
കിട്ടീടുമോ അതെനിക്കെന്നെങ്കിലും?

ജീവിതം

2010-05-10T15:58:00.000-07:00

ആടകള്‍ ഓരോന്നും

ഊരി മാറ്റുമ്പോഴും...

ഉള്ളിലെന്തെന്നറിയാനുള്ള

ചിത്തത്തിന്‍ വെമ്പല്‍...

ഏറ്റവും ഒടുവില്‍

ശൂന്യതയില്‍ എത്തും ഉള്ളി

പോലെയാണീ ജീവിതം....!!!

ഒറ്റപെട്ടവന്‍

2010-05-04T15:29:00.000-07:00

തെരുവിന്റെ സംഗീതം
താരാട്ടിന് ഈണമായീ
ചാവാലി പട്ടികള്‍
കളികൂട്ടുകാരും

മഴയില്‍ നനഞ്ഞും
വെയിലില്‍ വാടിയും
തെരുവിന്റെ മകനായീ
വളരുന്നു ഞാന്‍

ഒരമ്മതന്‍ ഗര്‍ഭത്തില്‍
ഉരുവായി മുളച്ചിട്ട്
ജാതനായീ ഭൂമിയില്‍
ഞാനൊരനാഥനായി

കിട്ടിയിട്ടില്ലൊരിക്കലും
അമ്മ തന്‍ വാത്സല്ല്യം
അമ്മിഞ്ഞ പാലിന്റെ
നിറവ്വും മാധുര്യവും,

തേങ്ങുന്ന മനസെന്നും
തേടുന്നു ഉത്തരം...
'വലിച്ചെറിയുവാന്‍
ആയിരുന്നെങ്കില്‍
നല്കിയതെന്തിനീ
പാഴ്ജന്മം?'

വിര്ച്യുല്‍ ലൈഫ്

2010-04-30T13:52:00.000-07:00

കാലത്തിന്‍ കൈപിടിച്ച്
കൂട്ടിനായീ എത്തിയ
കമ്പ്യൂട്ടര്‍ നീയെന്‍ ജീവനില്‍
ആശ്വാസത്തിന്‍ ഒരു തിരി-
നാളമായീ ജ്വലിച്ചിടുന്നു
എന്‍ പ്രിയരേ എന്നടുത്തെത്തിക്കും
ഇന്റര്‍നെറ്റ്‌ നീയെനിക്കിന്നു
പ്രിയരില്‍ പ്രിയനായീ
തീര്‍ന്നിടുന്നു.....

അകലങ്ങളില്‍ ആയിരിക്കുമെന്‍
പ്രിയര്‍ക്കൊപ്പം ആഘോഷ
വേളകള്‍ ഉല്ലാസമാക്കീടുവാന്‍,
കളിച്ചും ചിരിച്ചും സ്നേഹിച്ചും
സുഖ ദുഖങ്ങള്‍ പങ്കു വച്ചും
സാധ്യമാക്കുന്നു നിങ്ങളിരുവരും
തൊടാതെ തൊട്ടൊരു
വിര്ച്യുല്‍ ലൈഫ്

ഭൂമിയോട്....

2010-04-26T17:08:00.000-07:00

ഹേ ഭൂമി ....

കടലായീ പുഴയായീ

നദിയായീ ..തോടായീ

കിണറായീ കുളമായി

ഇത്രമേല്‍ വെള്ളം

നിന്നില്‍ നിറഞ്ഞിട്ടും

ഒരു തുള്ളി തുളുമ്പാതെ

സൂര്യനെ ചുറ്റുന്നതെങ്ങനെ നീ?

നിഴല്‍

2010-04-20T08:17:00.000-07:00

മനസിനെ ചുട്ടെരിക്കും അഗ്നിയായീ,
സിരകളെ മരവിപ്പിക്കും തണുപ്പായീ,
ഇന്ദ്രിയങ്ങളെ അടക്കും കാറ്റായ്..
നീയെന്നുമെന്‍ സന്തത സഹചാരി

നിന്നില്‍ നിന്നും ഓടി ഒളിക്കുവാന്‍
പലവട്ടം ശ്രമിച്ചു ഞാന്‍
ഒരു മാത്ര വിജയിച്ചുവെന്നു-
നിനച്ചു, ദീര്‍ഘ ശ്വാസമെടുത്തു
തിരിഞ്ഞു നോക്കവേ കണ്ടു...
നീന്നെയെന്‍ നീഴലായീ ...

നിന്നെ അകറ്റുവാന്‍ നടത്തിയ
പാഴ്ശ്രമം, തീവ്ര വേദനയായീ
പുനര്‍ജനിച്ചുവെന്നില്‍ ....
ദുഃഖമെ നിനക്കിവള്‍ പ്രിയയോ
വിട്ടുപോകാതെ നില്‍ക്കുന്നു
കൂടെയെന്നും നിഴലായീ!!!

ഭീമന്‍കല്ല്‌

2010-04-14T11:38:00.000-07:00

[ എന്നെ ഒരുപാടു ആകര്‍ഷിച്ച അറ്റ്‌ലാന്‍റയിലെ Stone Mountain Park എന്നിലൂടെ കവിതയായീ പുനര്‍ജനിച്ചപ്പോള്‍ ]

ഉദയ സൂര്യനെ
ഉച്ചിയിലേന്തി
അറ്റ്‌ലാന്‍റ നഗരിയില്‍
തല ഉയര്‍ത്തി നില്‍ക്കും
ഭീമന്‍ കല്ലിവന്‍ ....

അവശ്വസിനീയം മഹാത്ഭുതം
പ്രകൃതി തന്‍ വരദാനം
ലോകം കണ്ടതില്‍
മുന്പനിവന്‍
ഒറ്റ കല്ല്‌ ഭീമന്‍

മിന്നി തിളങ്ങും
ഗ്രാനൈറ്റ് ശേഖരം
മാറുന്നു നല്ലൊരു
ഉല്ലാസ വേദിയായീ

സ്കൈ റൈഡില്‍
തൂങ്ങിയാടി
ഭീമന്റെ നെറുകയില്‍
അത്ഭുതമോ...ആനന്ദമോ .
ലോകമെന്‍ കാല്‍കീഴില്‍
എന്ന പോലെ,,,,

ട്രെയിനില്‍ കയറി
ഭീമനെ ചുറ്റിയും
ഡക്ക് റൈഡില്‍
വെള്ളത്തില്‍ സവാരിയും
4 ഡി തിയേറ്ററില്‍
ഭൂമി പിളര്‍ന്നൊരു യാത്രയും
ഭീമനൊരുക്കും
സമൃദ്ധവിരുന്നിന്‍
വിശിഷ്ട വിഭവങ്ങളായി!!

സാഹസികത നിറഞ്ഞൊരു
സുഖമുള്ള ഓര്‍മയായി
നില്‍ക്കുന്നു അവനെന്നും
തല ഉയര്‍ത്തി
ഒറ്റ കല്ല്‌ ഭീമന്‍ !!!

വേര്‍പാടിന്‍ നൊമ്പരം

2010-04-06T06:41:00.000-07:00

കൊയ്ത്തു കഴിഞ്ഞൊരു
പാടം പോല്‍
ആട്ടം കഴിഞ്ഞൊരരങ്ങു പോല്‍
നിശ്ചലമായൊരു -
പക്ഷി പോലെയും
മേഘങ്ങള്‍
മൂടികെട്ടിയ മനസ്സേ
എന്തേ നീ പെയ്തില്ല..!

ഉദിക്കാത്ത
പകല്‍ പോല്‍
നിലാവറ്റ രാവു പോലെയും
കരിനിഴല്‍ വീണ
വിഹായസില്‍
എന്തെ നീ മറഞ്ഞിരുപ്പൂ..

വേര്‍പാടിന്‍ വേദനയില്‍
പെയ്യാന്‍ വെമ്പുന്ന മിഴികളെ
വിതുമ്പും അധരങ്ങളെ
ഒരു കൊച്ചു മിന്നലില്‍
ഒളിപ്പിച്ചു വച്ചു ഞാന്‍ ;
നോവിന്‍
ഗര്‍ത്തത്തില്‍ തള്ളിയെന്നെ
എങ്ങു മറഞ്ഞിരുപ്പൂ നീ..

മായിക ലോകം

2010-04-01T18:35:00.000-07:00

എന്നിലെ എനിക്കായീ
ഒരു മായിക ലോകം
തീര്‍ത്തു ഞാന്‍
സ്വപ്‌നങ്ങള്‍ കൊണ്ടൊരു
കളിവീട് ഉണ്ടാക്കി
മോഹങ്ങളാലൊരു
പൂങ്കാവനവും

ആശകളാം ചെടികള്‍
നട്ടു വച്ച്.....
പ്രതീക്ഷ തന്‍ വളമിട്ടു
വെള്ളമൊഴിച്ചു
ഓരോ ചെടികളും
പൂവിടുമ്പോള്‍.....
എന്‍ ഓര്മ തന്‍ വണ്ടുകള്‍...
മൂളി പറന്നീടും ....
അവയ്ക്ക് ചുററും....

പൂക്കള്‍ തന്‍ സുഗന്ധം ....
എന്‍ രോമകൂപങ്ങളില്‍
രോമാഞ്ചമായി പടരുമ്പോള്‍....
മനസാം പുഴയുടെ
കളകളാരവം
എനിക്ക്‌ മാത്രം...ശ്രവ്യമാം
മധുര സംഗീതമായി
എന്നില്‍ അലിഞ്ഞു ചേരും...
നീര്‍വൃതിയാം ഇളം തെന്നല്‍
നെറുകയില്‍ ഉമ്മ വച്ച്....
തഴുകി എന്നില്‍ നിറയുമ്പോള്‍....
ശാന്തി തന്‍ തീരത്തില്‍
ഞാനെത്തീടും!!!!

ബാല്യം

2010-03-31T09:40:00.000-07:00

ബാല്യത്തിന്‍ കളിച്ചെപ്പ്
തുറന്നപ്പോള്‍....
മിന്നി മറഞ്ഞോരായിരം
ചിന്തുകള്‍....

ആരോരും കാണാതെ
പുസ്തക താളില്‍
ഒളിപ്പിച്ചു വച്ചൊരു
മയില്‍പീലി തുണ്ടും.....
മഴവില്ലില്‍ വര്‍ണങ്ങള്‍
ഒപ്പിയെടുത്തോരെന്‍
മോഹത്തിന്‍
വളപൊട്ടുകളും

കണ്ണാരം പൊത്തി കളിച്ചും...
കളി വീട് ഉണ്ടാക്കിയും ....
മണ്ണപ്പം ചുട്ടും
ഹാ.. ആ ബാല്യത്തിലേക്ക്
പിന്തിരിഞ്ഞോടാന്‍
മനസിന്റെ വെമ്പല്‍....

അത്ഭുതങ്ങളുടെ നാട്

2010-03-26T11:27:00.000-07:00

അമേരിക്കന്‍ ഐക്ക്യ നാടുകളുടെ...
ചരിത്രം പഠിക്കുമ്പോള്‍
ഓര്‍ത്തില്ല ഞാനും ഈ മണ്ണില്‍ എത്തുമെന്ന്..
ബാല്യ കാലം മുതല്‍ എന്നിലെന്നും
അത്ഭുതങ്ങള്‍ സൃഷ്ടിച്ചൊരു നാട്

കേട്ടറിഞ്ഞ നാടോ....കണ്ടറിഞ്ഞ നാടോ....
ഏതാണ്‌ സത്യമെന്ന് തെല്ലൊരു ആശങ്ക ഉണ്ടെനിക്ക്
വെളുത്തു മെലിഞ്ഞ വെള്ളക്കാരെ
പ്രതീക്ഷിച്ച ഞാന്‍ കണ്ടതോ...
വായിച്ച പുസ്തകത്തിലെ ...
കണ്ടു മറന്ന രാമായണം സീരിയലിലെ
രാക്ഷസ ഗണത്തെ അനുസ്മരിപ്പിക്കും വിധം
ഭീമാകാരം പൂണ്ട മനുഷ്യര്‍.....!!!
അത്ഭുതം കൊണ്ട് വിടര്‍ന്നു കണ്ണുകള്‍....
ആലിസ് എത്തിയ അത്ഭുത ലോകത്തിലോ.....
സീത എത്തിയ ലങ്കയിലോ .....
എവിടെയാണ് ഞാനെന്നു ഒരു നിമിഷം ചിന്തിച്ചു പോയീ

വിദ്യാലയത്തിന്‍ തിരുമുറ്റത്ത്‌ ...
ഗര്‍ഭവതിയായ
വിദ്യാര്‍ത്ഥിനിയെ കണ്ടു ഞാന്‍ ഞെട്ടി....
നൂറ്റാണ്ടുകള്‍ക്കു മുന്‍പേ നിര്‍ത്തലാക്കിയ
ശൈശവ വിവാഹം ഇന്നും ഇവിടെ തുടരുന്നുവോ
നാളുകള്‍ പോകവേ ഞാന്‍ അറിഞ്ഞു.....
ഈ നാട്ടില്‍ അമ്മയാകാന്‍.....
വിവാഹം വേണ്ട.....ഭര്‍ത്താവു വേണ്ട
കൂട്ടുക്കാരന്‍ മാത്രം മതിയെന്ന സത്യം
അവിഹിത ഗര്‍ഭം നമ്മുടെ മണ്ണില്‍
പിഴച്ചു പോയതിന്റെ മുദ്രയെങ്കില്‍...
ഇന്നാട്ടില്‍ അത് പ്രൌഡിയുടെ അടയാളം !!!

ഇവിടുത്തെ കുട്ടികളെ അറിഞ്ഞപ്പോള്‍...
തെല്ലൊരു വേദന തോന്നിയുള്ളില്‍...
കാടാറുമാസം നാടാറുമാസം....എന്നപോലെ
അച്ഛന്റെ വീട്ടില്‍ ഒരഴ്ചയെങ്കില്‍...
അമ്മയുടെ വീട്ടില്‍ മറ്റൊരാഴ്ച ....
അമ്മായോടുമില്ല സ്നേഹം...
അച്ഛനോടുമില്ല സ്നേഹം.....
ആരോടുമില്ല...വൈകാരിക ബന്ധം

അദ്ധ്യാപനം ഇത്ര ദുഷ്കരമോ ...
തോന്നിപോയീ ആദ്യ നാളുകളില്‍
വിദ്യാര്‍ഥികള്‍ക്ക് അദ്ധ്യാപകരോട്..
പുച്ഛമോ വെറുപ്പോ ശത്രു ഭാവമോ
എന്ത് പറയാനും മടിയില്ലവര്‍ക്ക്‌...
എന്ത് ചെയ്യാനും മടിയില്ലവര്‍ക്ക് ...
സരസ്വതി വിളങ്ങുന്ന അക്ഷര മുറ്റം
അസഭ്യ വാക്കുകളുടെ കളിയരങ്ങ്
അദ്ധ്യാപകരെ പേര് ചൊല്ലി വിളിക്കുന്നു
വിദ്യാര്‍ത്ഥികളെ സാറെന്നും മേടം എന്നും
അങ്ങനെ ...അങ്ങനെ....
അത്ഭുതങ്ങളും....ഞെട്ടലുകളും.....ആശങ്കകളും
തുടരുന്നു....തുടരുന്നു....തുടര്‍ന്ന് കൊണ്ടിരിക്കുന്നു....

പ്രണയത്തിന്‍ ഭാവം

2010-03-20T18:16:00.000-07:00

ഒരു വരിയായി ....ഒരു വിളിയായീ ....
നീ വന്നുവെന്‍ വഴിത്താരയില്‍.....
അറിയാതെ അറിയാതെഎപ്പോഴോ....
നിന്‍ മനസിന്‍ ചെപ്പില്‍.....
ഒരു മുത്തായിരിക്കാന്‍ കൊതിച്ചു ഞാന്‍
ഇരുള്‍ നിറഞ്ഞയെന്‍ പാതയില്‍ ......
പ്രകാശ കിരണങ്ങള്‍ പൊഴിയും .
മാണിക്യമായീ കണ്ടു നിന്നെ ഞാന്‍ ....
.....
നീയെന്‍ അരുകില്‍ എത്തീടുമ്പോള്‍....
സൂര്യ കിരണങ്ങള്‍ ഏറ്റ
സൂര്യകാന്തി പോലെ തിളങ്ങി എന്‍ വദനം ...
.മഞ്ഞുതുള്ളി പോലെ നിന്‍ -
പ്രണയത്തില്‍ അലിഞ്ഞു ചേരുവാന്‍......
എന്‍ ഉള്ളം തുടിച്ചിരുന്നു

ഒരു കടലോളം സ്നേഹം ഉള്ളിലൊതുക്കി.....
ഒരു കുമ്പിള്‍ സ്നേഹം കൊതിച്ചു......
നിന്‍ കൈപിടിച്ചപ്പോള്‍....
കേള്‍ക്കമായിരുന്നുവെനിക്ക്
എന്‍ മനസ്സില്‍ തുടികൊട്ടല്‍ -

വീണ്ടുമെന്‍ സ്വപ്നങ്ങള്‍ക്ക് ..
മുളച്ചല്ലോ ചിറകുകള്‍.....
പ്രതീക്ഷ തന്‍ നാമ്പുകള്‍ .....
മുളപൊട്ടി എന്നുള്ളില്‍.....
സന്തോഷത്തിന്‍ ..പടികള്‍ കയറുമ്പോള്‍.....
.എന്തൊരാവേശം ആയിരുന്നെനിക്ക് .....

നീണ്ടു നിന്നില്ല അധികമാതെന്നില്‍......
സത്യത്തിന്‍ മുഖം കണ്ടു ഞാന്‍ ഞെട്ടി....
ഇതോ പ്രണയത്തിന്‍ ഭാവം?
നീറുന്നു എന്‍ മനം ...
നിറയുന്നു എന്‍ കണ്ണുകള്‍
കണ്ണീര്‍ മുത്തുകള്‍...പെറുക്കിയെടുക്കുമ്പോള്‍
തിരിച്ചറിയുന്നു ഞാന്‍.....
മാണിക്ക്യം എന്ന് കരുതി.....
ഞാന്‍ കണ്ടെത്തിയതോ .....
വെറുമൊരു വെള്ളാരം കല്ലായിരുന്നുവെന്നു ......!!!!

അമ്മയെന്ന പുണ്യം

2010-03-16T11:03:00.000-07:00

അമ്മക്ക് മക്കളോടുള്ളോരു ബന്ധം ...
സ്നേഹ നിര്ഭാരമാം മഹത് ബന്ധം.....
ഇല്ല പാരില്‍ പകരം വക്കുവാന്‍
മറ്റൊരാളും അമ്മക്കായീ.....
മക്കള്‍ തന്‍ കണ്ണൊന്നു നിറഞ്ഞാല്‍...
കവിയുന്നു അമ്മ തന്‍ മനം......
തലോടുവാന്‍ കരങ്ങള്‍ നീട്ടി ...
എന്നുമില്ലേ അമ്മ കൂടെ.....
അമ്മെയ്ന്നും കൂട്ടുക്കാരി ....
നേര്‍വഴി കാട്ടും മാര്‍ഗദര്‍ശി........
എന്നുമെന്നും മക്കള്‍ തന്‍
നന്മ മാത്രം കാംഷിക്കും ദീര്‍ഘദര്‍ശി .....
മാറ്റുവനാവില്ല അമ്മ തന്‍ സ്നേഹം....
കുറയില്ല അതൊരിക്കലും....
ഒഴുകിയെത്തുന്നു...നിന്നിലെക്കെന്നും.....
പല രൂപത്തില്‍...പല ഭാവത്തില്‍ !!!!
വേദനയില്‍ .ആശ്വാസമയീ.....തലോടലായീ....
ആഹ്ലാദത്തില്‍.....ആനന്ദമായീ...
തെറ്റുകളില്‍.....ശാസനയയീ....വിലക്കുകള്‍ ആയീ .....
പ്രവര്‍ത്തികളില്‍...അനുഗ്രഹമയീ.....
മറ്റാര്‍ക്ക് കഴിയും നിന്നെ-
ഇത് പോലെ അറിയാന്‍.....
അമ്മ....അമ്മയെന്ന പുണ്യം ...
ആരാധിചില്ലെങ്കിലും..നിന്ദിക്കാതിരിക്കാം ......
സ്നേഹിച്ചില്ലെങ്കിലും ..വേദനിപ്പിക്കാതിരിക്കാം ....
അമ്മ....അമ്മയെന്ന ഭാഗ്യം......
നഷ്ടമാകതിരിക്കട്ടെ മക്കള്‍ക്കൊരിക്കലും !!!!

സ്വാമികള്‍

2010-03-13T15:43:00.000-08:00

പത്ര താളുകളില്‍ കണ്ണോടിക്കുമ്പോള്‍......
തെല്ലോരാകാംഷ മെല്ലെ തലപോക്കിയുള്ളില്‍ ....
ഇന്നുമുണ്ടോ സ്വാമികള്‍ തന്‍ വാര്‍ത്ത.......
ദിനം തോറും പുതു പുതു വാര്‍ത്തകള്‍-
നിറഞ്ഞു നില്‍ക്കുന്നുവല്ലോ പത്ര താളുകളില്‍
പല പല സ്വാമികള്‍ തന്‍ വീര ചരിതം......

പിന്നോട്ടൊന്ന് തിരിഞ്ഞു നോക്കിടുമ്പോള്‍ ..
നമുക്ക് കാണാം മറ്റൊരു ചിത്രം.....
കക്ഷായ വേഷവും ...വെളുത്ത വസ്ത്രവും.....
നന്മതന്‍ പ്രതീകമായിരുന്നു എന്നും.....
സ്വാമികള്‍എന്ന് കേള്‍ക്കുമ്പോള്‍.....
മനസ്സില്‍ വിരിയുന്നതോ ......
ബഹുമാനവും ഭക്തിയും ആദരവും
ചേര്‍ന്നൊരു സംമിസ്ത്ര വികാരമായിരുന്നു ......
ആരാധിച്ചിരുന്നു ...വണങ്ങിയിരുന്നു ....
പൂജിച്ചിരുന്നു സ്വാമികളെ.....

ഇന്നോ മുഖചിത്രം മാറിടുന്നു ......
സ്വാമികള്‍ എന്ന് കേള്‍ക്കുബോഴേ....
വിരിയുന്നു പരിഹാസ മന്ദസ്മിതം .......
പീഡനവും .....വാണീ ഭാവുംമായീ ....
പെണ്‍ വിഷയങ്ങളില്‍ .....
തിളങ്ങീടുന്നുവല്ലോ സ്വാമികള്‍...........
ആരുടെ സൃഷ്ടിയാണിത്തരം സ്വാമികള്‍.....
ചിന്തിച്ചാല്‍ ഉത്തരം സ്പഷ്ടമല്ലേ.....
നമ്മള്‍.... നമ്മളകും ഈ സമൂഹമല്ലേ?
തീരുമാനിക്കാം നമുകൊരുമിച്ചു....
വേണ്ട ഇനിയൊരു സ്വാമിമാരും.....

പ്രകൃതി

2010-03-11T19:27:00.000-08:00

ഒരു കൊച്ചുകുഞ്ഞിന്‍ കൌതുകത്തോടെ.....
ഉറ്റുനോക്കുന്നു....ചുറ്റും.....
പ്രകൃതി തന്‍ മാറ്റം.....
അവിശ്വസനിയം എന്നും....
കണ്ടു കണ്ടങ്ങിരിക്കെ......
മാറുന്നു അടിമുടി.....
എങ്ങും..നിറങ്ങള്‍...നിറങ്ങള്‍ മാത്രം ......
മലകള്‍...പൂത്തുവോ....മാമരം പൂത്തുവോ.....
അയ്യോ....തികച്ചും അവിശ്വസിനിയം.....
പൂക്കളല്ല .....ഇലകള്‍ തന്‍ നിറം......
മാറുന്നു ദിനം തോറുമെന്ന സത്യം ...
തിരിച്ചറിയുന്നു ഞാന്‍.....
അത്ഭുതം കൊണ്ട് വിടരുന്നു കണ്ണുകള്‍......
പ്രകൃതി തന്‍ പ്രതിഭാസം......
ആനന്ദം ആയീ ....ആഹ്ലാദം ആയീ ..........
നിറയുന്നു കണ്ണുകളില്‍.....
അറിയാതെ..ഒരു ചോദ്യം മാത്രം നിറയുന്നു ഉള്ളില്‍ ......
ഇന്നലെ പച്ചപ്പ്‌ നിറഞ്ഞോരിടം .....
ഇന്നോ...പല വര്‍ണങ്ങളാല്‍ ......
നാളയോ????നാളെ എന്തെനറിയാതെ......
തെല്ലൊരു അത്ഭുതത്തോടെ.....
ഉറ്റുനോക്കുന്നു ......പ്രകൃതിയെ ............
അല്ലയോ സുന്ദരി.....നിര്‍വചിക്കനവുന്നില്ലല്ലോ
നിന്നെ ഒരിക്കലും......
ഒരയീരം ചോദ്യങ്ങള്‍ എന്നില്‍
അവശേഷിപ്പിച്ചു......ചിരിക്കുന്നുവോ നീ......
അറിയുവാന്‍ ശ്രമിക്കും തോറും......
കൂടുതല്‍ നിഗുടയയീ തീരുന്നുവല്ലോ നീ.....

സൌഹൃദം

2010-03-10T13:19:00.000-08:00

ഇളംതലമുറ തന്‍ സൌഹൃദ വീക്ഷണം....
തെല്ലോന്നബരപ്പിക്കുന്നു എന്നെ .....
ചങ്ങാതി നന്നായാല്‍ കണ്ണാടി വേണ്ടെന്ന-
പഴമ്പുരാണം അന്യമാകുന്നുവോ?
ഇന്റെര്നെടിന്‍ അതിപ്രസരമോ ...
ചാറ്റും...ഓര്‍കുട്ടും .. ഫെയ്സ് ബുക്കും ..
സൌഹൃദത്തിനു പുതു അര്‍ഥങ്ങള്‍ നല്കുന്നുവോ?
സുഹൃത്തായീ കടന്നുവരുന്നവര്‍ ....
പ്രായഭേദമന്യേ .....
സൌഹൃദത്തിനു പുതു നിറങ്ങള്‍
നല്‍കുമ്പോള്‍......
വേദനയോടെ തിരിച്ചറിയുന്നു ഞാന്‍....
തിരുത്തുവനാവില്ലെനിക്ക് ....
പുതുതലമുറ തന്‍ വീക്ഷണത്തെ ....
ഒരു വാക്ക് മാത്രമെന്‍ പ്രിയ കൂട്ടുകാരെ...
സൌഹൃദം ....മഹത്തായ ബന്ധം.....
ചങ്ങാതി എന്നത് ദൈവത്തിന്‍ വരധാനം....
നഷ്ടമാക്കരുതെ...സൌഹൃദത്തിന്‍ ഭാവം ....
വിലമതിക്കാനാവാത്ത ആത്മബന്ധം...
നിലനിക്കട്ടെയെന്നും..സൌഹൃദം ...
സൌഹൃദ മായി തന്നെ....!!!!

പൊയ്മുഖങ്ങള്‍....

2010-03-08T16:29:00.000-08:00

മനുഷ്യ മനസ് .....
വിചിത്രമം പ്രതിഭാസം ....
തിരിച്ചരിയുന്നതെങ്ങനെ
പൊയ്മുഖങ്ങള്‍....
സ്നേഹത്തിന്റെ മൂടുപടമണിഞ്ഞു
എത്തുന്നവര്‍.... സ്വന്തമെന്നു കരുതി.....
മനസിലേറ്റി.....താലോലിച്ചവര്‍......
ഒരു നൊടിയിട കൊട്ണ്ട് ....
അന്യമയീ തീരുന്നുവല്ലോ ബന്ധങ്ങള്‍ ....
സ്നേഹത്തിന്റെ ഭാഷ.....
ഇത്രയ്ക്കു നൈമിഷികമോ........
വിചിത്രമാം ഭാവങ്ങള്‍ കണ്ടു
പകച്ചു നില്‍പു ജീവിത പാതയില്‍ .....
എവിടെ ....എവിടെയാണ് ....
കലര്‍പ്പുകളില്ലാത്ത സ്നേഹത്തില്‍ ഒരു തിരി വെട്ടം......

പ്രിയ ശിഷ്യ ...നിനക്കായീ..

2010-03-06T06:24:00.000-08:00

അവന്‍ എനിക്കെന്നും പ്രിയ ശിഷ്യന്‍...
വിനയമാണോ സ്നേഹമാണോ ....
അവന്റെ മുഖമുദ്ര ....
അധ്യാപന ജീവിത പാതയില്‍...
കടന്നുപോയ് മുഖങ്ങളില്‍...
നിന്റെ മുഖം.....അതെന്തേ വേറിട്ട്‌ നിന്ന്
കുട്ടിതം വിട്ടുമാറാത്ത നിന്‍ ചൊടിയില്‍
നിന്നടര്‍ന്നു വിഴുന്ന സ്നേഹമാം മൊഴിയില്‍
നിറഞ്ഞു നിന്നൊരു മാതൃ വാത്സല്ല്യം
തിരിച്ചരിഞ്ഞുവല്ലോ ഞാന്‍
നിന്‍ വീഥികളില്‍ ......അറിവിന്‍ ഒരു തിരി
തെളിയിക്കാന്‍ എനിക്കയെങ്കില്‍.....
ധന്യമെന്‍ ജീവിതം.....പുന്ന്യമെന്‍ വേഷം .....
എന്‍ പ്രിയ ശിഷ്യ.....നേരുന്നു നന്മകള്‍ ആയിരം!!!

വെറുമൊരു സ്വപനം.....

2010-03-05T13:43:00.000-08:00

കവിളില്‍ കരവിരല്‍ സ്പര്‍ശം ഞാനറിഞ്ഞു .....
കണ്ണുകള്‍ പൂട്ടി... നിശ്വസമാടക്കി....
എന്തിനോ വേണ്ടി നിന്ന് ഞാന്‍....
എന്നിലേക്ക്‌ ഒഴുകിയെത്തും ...
സ്നേഹമാം ചോലയില്‍ നീരാടി ....
കളിക്കുവാന്‍ ഉള്ളം തുടിചിടുമ്പോള്‍ ....
അറിയാതെ കണ്ണുകള്‍...ശൂന്യതിലേക്ക് .....
അന്ധകാരം മാത്രം ചുറ്റും നിറയുന്നു.....
തിരിച്ചറിയുന്നു ഞാന്‍ ....
വെറുമൊരു സ്വപനം.....

നിശാശലഭം .....

2010-03-04T18:14:00.000-08:00

പൂക്കള്‍ തന്‍ സുഗ്ന്തം കാറ്റില്‍ അലിഞ്ഞു .......
നിശയുടെയ താഴ്‌വരയില്‍ ഒഴുകി..ഒഴുകി... ....
എവിടെ നിന്നോ പറന്നു വന്നൊരു നിശാശലഭം...
ഞാന്‍ ....ചുറ്റും നോക്കി എവിടെ ? എവിടെയാണ പൂക്കള്‍.......

സൌരഭ്യം പരത്തി കടന്നു വന്നത്....
എന്‍ സ്വപ്‌നങ്ങള്‍ തന്നെയല്ലയോ....
ഞാന്‍ വെറുമൊരു നിശാശലഭം
പൂക്കള്‍ തേടി അലയുന്നു എന്നും....