Saturday, April 30, 2011

അപ്പോഴും ഭൂമി കറങ്ങി കൊണ്ടിരുന്നു...


സാമൂഹ്യ പാഠ ക്ലാസ്സില്‍
ഭൂമി കറങ്ങി കൊണ്ടിരിക്കുന്നു എന്ന്
പഠിക്കുമ്പോഴാണ് മനസ്സിലായത്
അച്ഛന്‍ എപ്പോഴും ജോണി വാക്കര്‍
അടിച്ചു കറങ്ങുന്നത് ഈ ഭൂമിയില്‍
ജീവിക്കുന്നത് കൊണ്ടാണെന്ന്!

ഗാന്ധാരി ചരിതം പഠിച്ചപ്പോള്‍
മനസ്സിലായീ....അമ്മ
പതിവ്രതയായ ഭാര്യ
ആകാന്‍ ശ്രമിച്ചതാവാം
പെതെടിന്‍ ലഹരിയില്‍
കറങ്ങി തുടങ്ങിയതെന്ന്!!

അമ്മയെ മോഡല്‍ ആക്കിയത്
കൊണ്ടായിരിക്കും ചേച്ചിയും
ബോയ്‌ ഫ്രെണ്ടിനോടൊപ്പം
കറങ്ങി നടക്കുന്നത്....!!

എല്ലാരും കറങ്ങി നടക്കുന്ന
ഈ ഭൂമിയില്‍ ഞാന്‍ മാത്രം
കറങ്ങാതെ ഇരിക്കുന്നത്
എന്തിനെന്ന ചിന്തയില്‍
ആ ആറുവയസ്സുകാരന്റെ
കണ്ണില്‍ തടഞ്ഞതോ
പരാമര്‍ നിറച്ച ബ്രാന്റി കുപ്പി....
ഒന്ന് കറങ്ങാന്‍ കൊതിച്ച
അവനോ ഒരിക്കലും ഉണരാത്ത
ഉറക്കത്തിലേക്കു ഊര്ന്നുപോയീ!!!
അപ്പോഴും ഭൂമി കറങ്ങി കൊണ്ടിരുന്നു

17 comments:

Geetha said...

അപ്പോഴും ഭൂമി കറങ്ങി കൊണ്ടിരുന്നു...

Manoraj said...

ഹോ വായിച്ച് ഞാനും കറങ്ങിക്കൊണ്ടിരിക്കുന്നു. ഒരു പരിഷ്കാരവീട്ടിലെ ചിത്രം നന്നായി വരച്ചു കാട്ടി. അച്ഛന്‍ കറങ്ങിക്കൊണ്ടിരിക്കുന്നതാണ് കൂടുതല്‍ മനോഹരമായ വരികള്‍.

വാഴക്കോടന്‍ ‍// vazhakodan said...

ഈ അമേരിക്കക്കാരുടെ ഒരു കാര്യം! :)

മോഡേണ്‍ ലൈഫ്!

പാവപ്പെട്ടവന്‍ said...

അതെ ശരിയാണ് ..
ഇപ്പർസി മൂവേ...(ലാറ്റിൻ)

khader patteppadam said...

ഉദ്വേഗം ജനിപ്പിക്കുന്ന കവിത. നല്ല ആശയം.

കുഞ്ഞൂസ് (Kunjuss) said...

ആധുനിക കുടുംബം...!!

Echmukutty said...

കടുപ്പം തന്നെ.

ഉമേഷ്‌ പിലിക്കോട് said...

:(

ബിഗു said...

കടുപ്പമേറിയ യഥാര്‍ത്ഥ്യം. അവസാനത്തെ വരികള്‍ ഒരു അവ്യക്ത തോന്നുന്നു.

ശ്രീനാഥന്‍ said...

ആറു വയസ്സുകാരനോ, ഈശ്വരാ!

ശ്രീദേവി said...

അയ്യോ..ഈശ്വര..എന്ത് പറയാന്‍

സിദ്ധീക്ക.. said...

ഇങ്ങിനെ പോയാല്‍ ഇനി മുലപ്പാലിലും ആല്‍ക്കഹോള്‍ മണക്കാന്‍ തുടങ്ങും ..

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

ആധുനിക കടുംബങ്ങളുടെ കറക്കങ്ങൾ...!

എന്നാലും 6 വയസ്സുകാരെനെങ്ങീനെ പരാമർ ബ്രാണ്ടി കിട്ടും എന്നുള്ള ചോദ്യം കവിതയിൽ മുഴച്ചുനിൽക്കുന്നു..കേട്ടൊ ഗീതാജി

Shahina E K said...

aasamsakal...

»¦മുഖ്‌താര്‍¦udarampoyil¦« said...

സംഭവമൊക്കെ കൊള്ളാം..
പക്ഷേ...
കവിത?
ക്ഷമിക്കണം എനിക്ക് നന്നായിത്തോന്നിയില്ല...

the man to walk with said...

:(

ഒരില വെറുതെ said...

അവസാന വരികളില്‍ നടുക്കമുണ്ടാക്കി.
അവിടെയെത്തിയപ്പോള്‍
കവിതയുടെ മൂര്‍ച്ച കൂടി.