മഴയനക്കങ്ങള്‍

ഉഞ്ഞാലാടി പോകും  വൈകുന്നേരം

കൊണ്ടുപോയൊരു പകലിനെ 

ഒളികണ്ണുകൊണ്ട്  നോക്കുന്നുണ്ടു 

വെളിച്ചം  അടര്‍ന്നു പോയൊരു നക്ഷത്രം!!

പൂച്ച കുഞ്ഞു പോലെ

ഒച്ച  കേള്‍പ്പിക്കാതെ

വിരുന്നു വരുന്നുണ്ടൊരു രാത്രി

കാലത്തിന്റെ  തുന്നികെട്ടിയ

സഞ്ചിയൊന്നു തുറക്കനായീ !

പുറത്തു ചാടിയ പുസ്തകകെട്ടു...

മാറിന്റെ ചൂട് പറ്റി ചേര്‍ന്നിരുന്ന

പ്രതീക്ഷയെ ഓര്‍മിപ്പിച്ചു....

വിശപ്പിന്റെ നാളുകളെ

പൂട്ടിയിട്ട  അറയിപ്പോള്‍

മലര്‍ക്കെ തുറന്ന് കിടക്കുന്നു......

തേച്ചു മിനുക്കി സൂക്ഷിച്ചു

വച്ചൊരു സായാഹ്നം

പായല്‍ പിടിച്ചു ഇരുണ്ടു

പോയിരിക്കുന്നു.....

ഒളിച്ചോടി പോയ കവിതകള്‍

വെളിച്ചം കാണാതെ ഇരുട്ടില്‍...!!

വിരുന്നുവന്ന രാത്രി കൊണ്ട് പോയതോ 

കറുത്തിരുണ്ട്‌ പെയ്യാന്‍

തയ്യാറായി  തൂങ്ങി നിന്നൊരു 

ഉറക്കത്തെയുമായിരുന്നു

കാറ്റ് കൊണ്ടുപോകും

മഴയനക്കങ്ങള്‍  പോലെ....!!

(മാധ്യമം വര്ഷികപതിപ്പ്)