മായിക ലോകം

എന്നിലെ എനിക്കായീ
ഒരു മായിക ലോകം
തീര്‍ത്തു ഞാന്‍
സ്വപ്‌നങ്ങള്‍ കൊണ്ടൊരു
കളിവീട് ഉണ്ടാക്കി
മോഹങ്ങളാലൊരു
പൂങ്കാവനവും

ആശകളാം ചെടികള്‍
നട്ടു വച്ച്.....
പ്രതീക്ഷ തന്‍ വളമിട്ടു
വെള്ളമൊഴിച്ചു
ഓരോ ചെടികളും
പൂവിടുമ്പോള്‍.....
എന്‍ ഓര്മ തന്‍ വണ്ടുകള്‍...
മൂളി പറന്നീടും ....
അവയ്ക്ക് ചുററും....

പൂക്കള്‍ തന്‍ സുഗന്ധം ....
എന്‍ രോമകൂപങ്ങളില്‍
രോമാഞ്ചമായി പടരുമ്പോള്‍....
മനസാം പുഴയുടെ
കളകളാരവം
എനിക്ക്‌ മാത്രം...ശ്രവ്യമാം
മധുര സംഗീതമായി
എന്നില്‍ അലിഞ്ഞു ചേരും...
നീര്‍വൃതിയാം ഇളം തെന്നല്‍
നെറുകയില്‍ ഉമ്മ വച്ച്....
തഴുകി എന്നില്‍ നിറയുമ്പോള്‍....
ശാന്തി തന്‍ തീരത്തില്‍
ഞാനെത്തീടും!!!!